“İrəvanda kütləvi aksiyaların başlanması birbaşa idarə olunan bir aksiyadır. Bu aksiyaların arxasında duran maraqlı qüvvələr var” – Alp.az xəbər verir ki, bu açıqlama ilə hakim “Vətəndaş Müqaviləsi” fraksiyasının deputatı Vaaqn Aleksanyan çıxış edib.
“Ermənistan -Türkiyə və Ermənistan – Azərbaycan yaxınlaşmasını istəməyən xarici qüvvələr İrəvanı qarışdırmaq üçün külli miqdarda vəsait ayırıblar. Azərbaycanla bağlanacaq sülh müqaviləsindən qıcılanacaq ilk ölkə sözsüz ki, Rusiyadır. Əminliklə deyirəm ki, İravandakı çaxnaşma və təxribatın arxasında Rusiya xüsusi xidmət orqanları durur. Onların əsas fikri Paşinyan hökumətini devirmək və Rusiya meyilli şəxsi hakimiyyətə gətirməkdir. İrəvanın qərbə açılımı Rusiyanın xoşuna gəlmir. Amma bizi heç kim yolumuzdan döndərə bilməyəcək.” – deyə Vaaqn Aleksanyan bildirib.
