44 günlük Vətən müharibəsindən sonra müharibədə qazi olanların və əliliyi olan şəxslərin əliliyinin təyin olunması yolunda ciddi problemlərin olduğu ortaya çıxdı. Bir çox əlillər bu günə qədər əlilliyini təyin edən sənədləri əldə edə bilməyib. Ən dəhşətli isə I Qarabağ savaşında əlil olmuş şəxslərin əliliklərinin qanunsuz olaraq ləğv edilməsidir. Alp.az xəbər verir ki, hərbi ekspert Ədalət Verdiyev bu problemi sosial şəkildə qabardaraq əliliyin ləğv olunması və yaxud təyin olunması yolundakı problemlərdən yazıb. Hərbi ekspert hesab edir ki, saxta əlilliyi təyin edənlər cəzasını almalı, həmçinin qanuni əlliyi ləğv edənlər də ən ağır şəkildə cəzalandırılmalıdır. Hərbi ekspertin statusunu təqdim edirik.
“Müharibədən sonrakı dövrdə çox sayda Qazinin problemi efirdə və ya mətbuatda səsləndiriləndən sonra həllini tapır. Əgər həmin qazi müharibədə əlil olubsa, niyə ona haqq etdiyini ilk müraciətində və ya efirə və ya mətbuata çıxmazdan əvvəl təqdim etmirsiniz? Ölkədə minlərlə əlilliyi ləğv olunan döyüşçülər də var, həmin əlilliyi verən də, indi ləğv edən də eyni təşkilatdır. Səmimiyyət xatirinə heç olmasa dövlətə dəyən ziyanı ödəmək üçün saxta əlil ordusu yaradan həkimləri məsuliyyətə cəlb edilməsini təmin edin və barədə ictimaiyyəti məlumatlandırın. Çızığı olmayan ömürlük əlillər hələ də çoxdur.
Əlilliyi ləğv edilənin isə dünya başına uçub, 6 aydır işsiz və pulsuz olanları tanıyıram. Artıq kömək etməkdə çətinlik çəkirəm. Təkrar müaynə əlavə yol xərcindən başqa bir şey deyil. Heç olmasa iş və ya müavinət təyinatını əlillik ləğv olunan kimi dərhal həyata keçirin ki, vətən üçün canını və sağlamlığını əsirgəməyənlər dövlətdən narazı qalmasın.”
“Əlillərə kömək edin, onlar işsiz və pulsuz qalıb”- Ekspert həyəcan təbili çaldı
