image-ads_2000x150
image-downloadbackend

Elə məsələlər var ki, orada mətbuat işləmir – Əli Orucov

image-ads_728x90

“Münaqişənin həlli ilə bağlı məsələ yalnız iqtidarın yox, o cümlədən xalqın problemi idi” – bu fikirləri Alp.az-a açıqlaması zamanı Azərbaycan Milli İstiqlal Partiyasının Siyasi Şurasının üzvü Əli Orucov bildirib.
Əli Orucov hesab edir ki, bu problem ümumimilli xarakter daşıdığından burada siyasi partiyaların fikir plüralizmindən daha çox, birgə həll önəm daşıyır.

“Münaqişənin həlli ilə bağlı məsələ yalnız iqtidarın yox, o cümlədən xalqın problemi idi. Təbii ki, buna görə siyasi partiyaların əsas vəzifəsi- xalqın maraqlarına xidmət etməkdir. Biz bunu müharibə zamanı göstərdik və indi də bu belə davam edir”.

Əli Orucov düşünür ki, Azərbaycan Milli İstiqlal Partiyası (AMİP) beynəlxalq əlaqələri geniş olan partiyadır. Buna əsas səbəb olaraq, 80-ə yaxın ölkənin 70 partiyası ilə əməkdaşlıq etdiyini bildirməsidir. “AMİP öz növbəsində müharibənin niyə başlanmasını və nə üçün münaqişənin bu vəziyyətə gəlib çıxdığını beynəlxalq arenada hər zaman bəyan edib, həmin dövr mühüm yazışmalar gedib və hal-hazırda da gedir”.
Müharibədən sonra da informasiya müharibəsinin gərəkli olduğunu “Elə məsələlər var ki, orada mətbuat işləmir və yaxud hər-hansı informasiyanın çatdırılması çətin olur, buna görə də hər bir azərbaycanlı təbliğatçı rolunu oynamalıdır” şəklində bildirib.

Əli Orucov, müxalif partiyaların hakimiyyət və xalqın mövqeyini dəstəkləyən partiyaların birgə bəyanata imza atmalarından bəhs edib və bildirib ki, zərurət yaranarsa, birgə bəyanata imza atmaq məsələsinə yenidən baxıla bilər.

Murad Cəfərli

Loading...
image-ads_728x90

  • whatsapp
  • messenger
  • telegram
  • vkontakte
  • odnoklassniki