“İyunun 20-də insanlar Nikol Paşinyana inandılar. Amma Paşinyan bu inamı doğrultmadı. Paşinyan hər şeyi puç etdi”- Alp.az erməni mətbuatına istinadən xəbər verir ki, bunu “Mənim şərəfim var” fraksiyasının rəhbəri Artur Vanetsyan bu gün mətbuat konfransında deyib.
“Müharibədən sonrakı dövrdə 62 nəfər əsgərimiz əsir götürüldü, son zamanda isə Ermənistan tərəfdən azı 32 nəfər əsir götürülüb. Bu anlama gəlir ki, müharibə davam edir”, – deyə Artur Vanetsyan bildirib.
“Ölkəmizdən 100 min insan miqrasiya edib. Paşinyan iki gün əvvəl Zəngəzurun 6 kəndində 250 ailənin yaşadığını bildirdi. Orada 250 ailə yoxdur axı. Əhali Zəngəzurdan çıxarılır. Sonda yalnız bizə İrəvan qalacaq…”, – deyə Artur Vanetsyan bildirib.
