Qardaş Türkiyədə artıq iki ildir ki, qadın “jandarma komando” zabit kursları təşkil edilir. Alp.az Türkiyə mətbuatına istinadən xəbər verir ki, Foça Jandarma Komando Məktəbi və Təhsil Mərkəzində keçrilən təlimlərdə “dişi aslanlar” təlimlər keçir.
Qadın komandolar mütəxəssislər tərəfindən fiziki və hərbi baxımdan üstün standartlara çatmaq üçün kursa başladığı ilk andan etibarən müxtəlif sahələrdə xüsusi təlim alırlar.
Günü idmanla başlayan qadınlar fiziki dözümlülük mövzusunda da təlim keçirlər. Onlar atıcılıqda da ən yaxşı olmaq üçün xüsusi dərslər alırlar.
Bu qadınlara həmçinin xəritə, ilk yardım, terrorla mübarizə, milli silahlarla atəş, təməl məhv, əl istehsalı partlayıcı qurğular və onlara müdaxilə üsulları, silah-sursat məlumatları, yaşayış məhəllələrində qapı və divarlarda keçid açılması, yaşayış yerlərində döyüş, mina və əl istehsalı partlayıcı maddələrlə mübarizə haqqında məlumatlar da verilir.
Təxminən 5 ay davam edən kursun sonunda əldə olunan nəticələr: qadın zabitlər 271 kilometri durmadan qaçır, 1110 kilometri durmadan yürüyərək qət edir, 61 gecə ərazidə qala bilirlər.
Türkiyənin yetişdirdiyi bu zabit qadınlar kişi həmkarları ilə birlikdə artıq bir çox terrorla mübarizə əməliyyatında iştirak ediblər. Bu “dişi aslanlar”ın təlimləri bir çox Avropa ölkəsini şoka salıb.
