“Davamlı İnkişafa Doğru” İctimai Birliyi Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə “Kiçik və orta biznesin inkişaf mexanizmləri” istiqamətində sahibkarların maarifləndirilməsi mövzusunda layihənin icrasını həyata keçirir.
Layihənin əsas məqsədi bazar iqtisadiyyatının prioritet istiqamətlərindən olan mikro, kiçik və orta biznesin yaradılması, genişləndirilməsi, hüquqi və maliyyələşmə mexanizmləri, sahibkarlığın inkişaf yolları, biznesdə rəqabət münasibətlərinin formalasması, məhsulun keyfiyyətinin yüksəldilməsi və çesidinin genisləndirilməsi, rəqabətqabiliyyətli məhsul istehsalı, yerli xammal mənbələrinin mənimsənilməsi və istifadəsi, bazar araşdırması və bazarın seqmentasiyası, sahibkarların hüquqlarının qorunması, sahibkarlara dövlət dəstəyi, maliyyələşmə mənbələrinə çıxış imkanları və s. istiqamətində mikro, kiçik və orta sahibkarlıq subyektlərinin maarifləndirilməsi, onların bilik və bacarıqlarının artırılmasıdır.
Bundan əlavə, COVİD-19 pandemiyasının təsiri nəticəsində biznesini dayandırmış və yenidən biznes təşkil etmək istəyən, eləcə də hazırda fəaliyyət göstərən və biznesini daha da genişləndirmək arzusunda olan sahibkarlara bazarın tələblərinə uyğun yeni biznes sahələri yaratmaq və onları necə inkişaf etdirmək istiqamətində məsləhətlər də kitabın əsas məqsədlərindəndir.
Bütün sahibkarlar, eləcə də müxtəlif səbəblərdən biznesini dayandırmış və yenidən biznes təşkil etmək istəyən şəxslər də kitabdan faydalana bilər.
Layihə çərçivəsində nəşr olunacaq “Kiçik və orta biznesin inkişaf mexanizmləri” adlı maarifləndirici vəsait nəşr olunduqdan sonra müvafiq qurumlara pulsuz paylanılacaqdır. Vəsaiti əldə etmək istəyənlər aşağıdakı əlaqə telefonları və elektron ünvan vasitəsi ilə müraciət edə bilərlər.
“Davamlı İnkişafa Doğru”
İctimai Birliyinin sədri Elçin Quliyev
Əlaqə tel: (012 541 97 61)
(055) 758 28 00
e-mail: namig55555@yahoo.com
