“Legiya”nın baş məşqçisi Çeslav Mixneviç “Rakov”la çempionat oyunu ərəfəsində mətbuat nümayəndələri üçün brifinq keçirib.
Alp.Az xəbər verir ki, təcrübəli mütəxəssis heyətlə bağlı sualları cavablandırarkən, həmyerlimiz Mahir Emrelidən də bəhs edib.
Mixneviç kubokda qarşılaşdıqları “Viqri” komandasının məşqçisinin Mahiri çox bəyəndiyini açıqlayıb:
“Jozenin effektivliyi ilə bağlı problem onun psixologiyasında deyil. “Viqri” ilə kubok oyunundan bir gün əvvəl Suvalki stadionunda məşq edirdik. Rəqibin məşqçisi də orada idi. Joze və Mahir Emrelinin qapıya zərbələrini çox bəyəndiyini söylədi. Joze daha sonra matçda mükəmməl fürsətə sahib olsa da, əldən verdi. Düşünürəm ki, ötən mövsüm Tomaş Pekhartda olduğu kimi, bir anda qol vurmağa başlayacaq”.
“Legiya”nın baş məşqçisi hücumçu Tomaş Pekhartın qol vura bilməməsi barədə danışarkən, onun rəqabətdə Mahirə uduzduğunu vurğulayıb:
“Tomaş Pekhartın yenə qol imkanları olur, xüsusən də Vroslavdakı görüşdə. Bunlar onun üçün klassik epizodlar idi, yəni fərqlənə biləcəyi qol vəziyyətləri idi. Bu hər bir hücumçunun qarşılaşa biləcəyi durumdur. Bəzən hər şey nəticə verir, bəzən isə bir az gözləmək lazımdır. Şübhəsiz ki, onun üçün çətin vəziyyətdir, çünki əvvəllər çox qol vurmuşdu və indi problemi var. Həm də rəqabət çoxdur. Ancaq biz ona Keçən mövsüm bizə çox kömək etdi və cari mövsümdə də bizə çox şey verəcək. Tomaş, digər hücumçuların oynamaq istədiyini də bilməlidir. Mahir Emreli qol vurur, Rafael Lopes vacib anlarda bizə kömək edir. Hazırda rəqabət çox güclüdür”.Fanat
