“Qarabağ probleminin həlli üçün ən əlverişli məqam 94-cü ildə idi, o vaxt Azərbaycan çox kasıb idi, status məsələsi həll edilmirdi, lakin DQMV öz ərazisi ilə qalırdı, Laçın dəhlizi də qalırdı, sülhməramlılar yerləşdirilirdi”.
Alp.az xəbər verir ki, bunu Ermənistanın birinci prezidenti, Erməni Milli Konqresinin lideri Levon Ter-Petrosyan deyib.
Ermənistanın keçmiş prezidenti işğal edilmiş edilmiş Azərbaycan torpaqlarını həmişəlik saxlamaq fikrini absurd hesab edib.
“Bu məsələdə müttəfiq yoxdur, heç vaxt olmayıb. İndi çox çətindir, o vaxt güzəştə gediləsi nəyimizsə var idi, indi yoxumuzdur. Biz güzəştə getmək imkanını itirdik. Biz Qarabağı güzəştə getməyəcəkdik. İndi isə heç nə edə bilməzsən, indi bizim əlimizdə heç nə yoxdur, Ermənistan həlledici səsə sahib deyil. Bütün dünya Qarabağı Azərbaycanın bir hissəsi hesab edir, bu məsələdə bizim müttəfiqimiz yoxdur”, – deyə Petrosyan qeyd edib.
Ter-Petrosyan Ermənistanda geniş yayılmış “Rusiya bizim qarşımızdakı öhdəliklərini yerinə yetirmədiyi üçün Qərblə əməkdaşlıq etməliyik” fikrinə toxunarkən deyib ki, bunlar tamamilə dövlətçiliklə bağlı ideyaya malik olmayan insanların sözləridir.
“Bu şeyi etsələr, onsuz da artıq ağır olan vəziyyətimizi daha da dərinləşdirəcəklər. Bundan heç bir yaxşı şey gözləməyin”, – deyə o qeyd edib.
Levon Ter-Petrosyan bildirib ki, həm İlham Əliyev, həm də Türkiyə ilə razılaşma olmalıdır: “İki qonşu əbədi düşmən ola bilməz. Bu istisna edilib, biz artıq mövcudluğumuzu təhlükə altına atırıq”.
