image-ads_2000x150
image-6backend

Bu 3 şirkət hər saniyəyə min dollar qazanır –SƏBƏB 

image-ads_728x90

“Pfizer”, “BioNTech” və “Moderna” şirkətləri hər saniyə min dollar qazanır.

Alp.az-ın xəbərinə görə bu rəqəm “People’s Vaccine Alliance” adlı QHT-nin son araşdırması zamanı üzə çıxıb.

Alyans hesabatı tərtib edərkən şirkətlərin illik mühasibat hesabatlarına və digər açıq informasiyalara (xüsusən də dövlətlərin sifarişlərinə) istinad edib. Sənəddə göstərilir ki, 3 şirkətin illik xalis mənfəəti vergilər çıxıldıqdan sonra 34 milyard dolları keçəcək. Başqa sözlə, dəqiqəyə 65 min, günə 93 milyon dollar.

İlin 9 ayı ərzində “Pfizer”in dövriyyəsi 57 milyard dolları keçib. Bunun yarısı vaksin satışından əldə edilib. Bundan əlavə, farmakologiya şirkətinin gəlirinin 16%-i onkoloji, 12%-i isə kardioloji xəstəliklərə aid dərmanların istehsalından formalaşıb.

“Moderna” şirkətinin ilk 3 rübdə gəliri 11 milyard dolları keçib. Şirkət cari ildə 18 milyard dollar dövriyyə gözləyir.

Hesabat dövründə “BioNTech”in dövriyyəsi 13.4 milyard, xalis mənfəəti isə 7 milyard dollar təşkil edib. Digər əczaçılıq laboratoriyalarından fərqli olaraq Uğur Şahinin rəhbərlik etdiyi şirkətin demək olar bütün gəlirləri koronavirus əleyhinə vaksindən formalaşır.

Lakin məsələnin başqa tərəfi də var. Bu 3 şirkətin istehsal etdiyi vaksinlər çox bahadır, xüsusi saxlanma şəraiti tələb edir. Onları yalnız inkişaf etmiş ölkələr alır.

Loading...
image-ads_728x90

  • whatsapp
  • messenger
  • telegram
  • vkontakte
  • odnoklassniki