Ötən bazar günü Ankara polisinin maliyyə cinayətləri ilə mübarizə şöbəsinin əməkdaşları milyonlarla dollarlıq saxta əskinasları, o cümlədən türk lirəsini satan mütəşəkkil qruplaşmaya qarşı əməliyyat keçirib.Alp.azTürkiyə KİV-lərinə istinadən xəbər verir ki, qruplaşmanın rəhbəri Cemal Durdubaş polis əməliyyatının başlamasına bir neçə gün qalmış saxta pulla aldığı saxta içkidən zəhərlənərək ölüb. Qruplaşmanın qalan üzvləri “Benyamin” adı verilən xüsusi əməliyyatla həbs olunub, onların arasında saxta pulların xaricdə realizə edilməsini təşkil edən Azərbaycan vətəndaşı, Elmira adlı qadın da var.
Bildirilir ki, mütəşəkkil qruplaşma hazırladıqları saxta pulları Facebook, İnstagram kimi sosial şəbəkələr üzərindən nominal dəyərinin 40 faizinə satmaqla məşğul olublar. Polis şəbəkə üzvlərini bir il əvvəldən izləməyə başlayıb, fiziki və texniki izləmə nəticəsində məlum olub ki, qruplaşma üzvləri hazırladıqları saxta pulları Türkiyənin az qala hər bölgəsində və xaricdə bazara çıxarılaraq realizə edilib.
Şübhəliləri addım-addım izləyən, onların təmas qurduqları şəxsləri, qaldıqları evləri, getdikləri kafeləri, iş yerlərini təsbit edən polis eyni vaxtda 20 bölgədə əməliyyata başlayıb. Əməliyyat zamanı qruplaşmanın “Azad” ləqəbli lideri Ensari V. İlə birlikdə cəmi 96 nəfər tutulub. Bir-birləri ilə sosial şəbəkələr üzərindən ünsiyyət quran qruplaşma üzvlərinin hazırladıqları saxta dollarlara “Benyamin”, türk lirəsinə isə “xalı”, “qumaş” kod adları veriblər.
Qruplaşmanın liderlərindən biri, hazırlanan saxta əskinasları mətbəədən alıb onları satanlara çatdırmaqla məşğul olan Cemal Durdubaş isə polis əməliyyatından cəmi 4 gün əvvəl saxta pulla aldığı saxta içkidən zəhərlənərək xəstəxanada ölüb. Qruplaşma üzvləri xəstəxanaya gedərək onun ailə üzvlərinə başsağlığı veriblər.
Polis qruplaşmanı təqib edərkən Ensari V. ilə alıcı qismində təmas qurub, onunla WhatsApp üzərindən danışıb. Həmin yazışmaya əsasən Ensari V. hazırladıqları saxta əskinasların “bazarda bənzərinin olmadığını” bildirir.
Əməliyyat zamanı qruplaşmanın üzvlərindən biri, Azərbaycan vətəndaşı Elmira A. adlı qadın da xaricdə realizə etmək üçün apardığı saxta dollarla dolu çanta ilə birlikdə Ankara Sabiha Gökçen hava limanında yaxalanıb. Onunla birlikdə saxta pulların xaricdə realizəsi ilə Alp.azvətəndaşları Fərrux J. və Moxlaroyım G.-nin də məşğul olduğu bildirilir.
Şəbəkə üzvləri saxta türk lirələrini Türkiyə ərazisində market və benzindoldurma məntəqələrində, məişət əşyaları satan ticarət mərkəzlərində xərcləyiblər, saxta dollarları isə valyuta ilə alış-veriş edən ticarət mərkəzlərində realizə ediblər. Axtarışlar zamanı şəbəkə üzvlərindən 1 milyon lirə məbləğində saxta pul ələ keçirilib, qruplaşmanın indiyə qədər 5 milyon dollardan yuxarı məbləğdə saxta pul realizə etdikləri məlum olub.virtualaz.org
