ABŞ prezidenti Co Baydeni hələ 2008-ci ildə senator olarkən Əfqanıstanda qar fırtınasından xilas edən tərcüməçi Aman Xəlili Baydenə müraciətindən sonra ölkəni tərk etməyi bacarıb.
Alp.az xəbər verir ki, ABŞ-ın iyirmi il sonra Əfqanıstandan geri çəkilməsindən və əsgərlərini təxliyə etməsinin ardından “Taliban” qısa vaxtda ölkədə nəzarəti ələ alıb. Minlərlə insan isə Əfqanıstanı tərk etmək üçün hava limanı və Pakistan sərhədinə axın edib. O, adamlardan biri də ABŞ prezidenti Co Baydenlə həyat hekayəsi yaxından kəsişən tərcüməçi Aman Xəlilidir.
Xəlili 2008-ci ildə Co Baydenin də aralarında olduğu senatorların Əfqanıstana ziyarəti zamanı tərcüməçi işləyib. Bu ziyarət zamanı qar fırtınasına yaxalanan heyət Xəlilinin bələdçiliyi ilə təhlükəsiz bir bölgəyə təyyarəylə eniş edib və pusquya düşməkdən xilas olub.
ABŞ-ın gələcək prezidentinin həyatını xilas edən Xəlili, Əfqanıstanı tərk etmək üçün Baydenə və ABŞ rəsmilərinə müraciət edib. Onun müraciətinə cavab verildikdən sonra Xəlili beş uşağı və həyat yoldaşı ilə birlikdə 144 saat avtomobili ilə yol sürərək Pakistana çatıb. Ordan isə ABŞ rəsmilərinin təşəbbüsü ilə Qətərin paytaxtı Dohaya aparılıb.
Viza prosedurları başa çatdıqdan sonra ailə ilə ABŞ-a getməsi gözlənilən Xəlili “Wall Strett Journal”-a verdiyi açıqlamasında bunları deyib: “Ailəmlə birlikdə gecə-gündüz 144 saat maşın sürdüm və bir çox təhlükəli nöqtələrdən keçəndə onlar çox qorxdular. Əfqanıstan cəhənnəm idi. Ancaq indi cənnətdəyik”-deyə o, bildirib.Moderator.az
