“Barselona” kapitanı Lionel Messiyə 10 illik müqavilə təklif edib.
Bu barədə “Catalunya Radio” məlumat yayıb.
Müqavilənin şərtlərinə əsasən, Messi qarşıdakı iki mövsüm komandada çıxışını davam etdirəcək. Bundan sonra argentinalı hücumçuçu “Barselona”nın səfiri qismində üç il ərzində ABŞ-ın MLS liqasında oynayacaq.
Müqavilənin qalan 5 ili ərzində Messi “Barselona”nın strukturunda vəzifələrin birini tutacaq.
Qeyd edək ki, Messinin “Barselona” ilə müqaviləsi iyunda bitir.
