Bakıda “Landau School” özəl məktəbin həyətində dava düşüb.
Alp.az xəbər verir ki, görüntülərdə məktəbin mühafizəçisi ilə valideynlərdən birinin əlbəyaxa dava etdiyi görünür. Hadisə “Landau School”un Səbail rayonu, Bayıl qəsəbəsində yerləşən filialında baş verib.
Hadisəyə səbəb valideynlə mühafizəçi arasında anlaşılmazlıq olub. Məktəbə girş-çıxış kartla olsa da, valideyn çıxış qapısından deyil, başqa qapıdan çıxmağa cəhd edib. Valideynin mühafizəçinin xəbərdarlığına məhəl qoymaması isə davaya səbəb olub.
DİN Mətbuat xidmətinin şöbə rəisi, polis mayoru Elşad Hacıyev bildirib ki, yayılan videogörüntülərdən məlumatlıdırlar:
“Hadisə ilə bağlı araşdırmalara başlanılıb. Əlavə məlumat veriləcək”.
Qeyd edək ki, Landau məktəbləri 2018-ci ildə açılıb. Məktəbin iş adamı Emin Ağalarova məxsus olduğu bildirilir.musavat
