Sentyabrın 15-də Bakıda Türkiyə-Azərbaycan Dostluq Əməkdaşlıq və Həmrəylik Vəqfi və Azərbaycan Türkiyə Evinin təşkilatçılığı, Türk Əməkdaşlıq və Koordinasiya Agentliyinin (TİKA), Azərbaycan Mədəniyyət Nazirliyinin, Türkiyə Mədəniyyət və Turizm Nazirliyinin dəstəyi ilə “Köklü keçmiş, güclü gələcək – Türkiyə-Azərbaycan əlaqələrinin dünəni-sabahı” adlı simpozium keçirilib. Tədbirdə Milli Məclisin deputatları, Türkiyənin və Azərbaycanın tanınmış elm xadimləri və ictimaiyyət nümayəndələri iştirak ediblər.
Əvvəlcə Azərbaycanın və Türkiyənin Dövlət himnləri səsləndirilib, hər iki ölkənin müstəqilliyi və ərazi bütövlüyü uğrunda mübarizədə şəhid olanların xatirəsi bir dəqiqəlik sükutla yad edilib.
Mərasimdə millət vəkili Ramil Həsən çıxış edərək, “biz bugün 104 il bundan öncə tarixi bir addım həyata keçirərək Azərbaycan torpaqlarını düşmən tapdağından azad etmək, Bakını işğaldan qurtarmaq vətənimizə pənah gətirən Nuru Paşa və onun komutalığındakı dəyərli əsgərlərimizi böyük şücaətlərindən dolayı yad etməklə bərabər sentyabrın 12-dən 13-ə keçən gecə və dünən baş verən təxribatlar nəticəsində canlarını bu torpağa qurban vermiş 71 Şəhidimizidə böyük hörmət və ehtiramla anırıq. Hər birimiz bilirik ki, torpaq əgər uğrunda can verən varsa qiymətlidir, dəyərlidir və gələcək nəsillər üçün əmanətdir. Şübhəsiz ki, bizim bu çalışmalarımızın hər birində Şəhidlərimizi yad edərək, hər zaman və hər an onlara qiymət verərəkdə davam etməyimiz lazımdır. Gələcək nəsillərin üzünə başı dik, alnı açıq baxa bilək və bu istiqamətdə də bu tip konfranslar və çalışmalar hər birimiz üçün çox önəmlidir.
Türk Dövlətləri Təşkilatına Baş katiblik etdiyim zamanlarda və çalışmaların içərisində bilavasitə olan bir şəxs kimi mən əminliklə deyə bilərəm ki, bu gün Türk Dövlətləri onların birlik və bərabərliyi üçün Azərbaycan Prezidenti cənab İlham Əliyev və Türkiyə Cumhurbaşqanı, qardaş ölkəmizin lideri sayın Rəcəb Tayyib Ərdoğan mükəmməl birlik və bərabərlik içərisində bütün güclərini və imkanlarını səfərbər edərək çalışmaqdadırlar. Ona görə də, heçdə təsadüfi deyil ki az öncə vurğulandığı kimi 1992-1993 illərdə rəhmətlik Elçibəyin bir helikopter istədiyi zaman verməyən Türkiyə bu gün, Azərbaycan – Türkiyənin birliyi və bərabərliyi üçün çalışan liderlərə sahibdir. Ona görə də, bir şeyi qəbul etmək lazımdır ki dünyada nə qədər güclü sistem olursa olsun liderlər danılmaz və qaçılmaz bir faktordur. Onuda qeyd edim ki, eyni millətə, kökə və dinə mənsub olmağımıza baxmayaraq əgər lider güclü deyilsə heç bir zaman orda güc birliyindən danışmağımız mümkün deyildir. Ona görə bu istiqamətdən baxdığımız zaman birinci dünya müharibəsində özünün zor durumda olmasına, Osmanlı İmperiyasının sağını-solunu İngiltərə, Fransa, Rusiya kimi böyük güclərin parçalanması ilə bağlı həyata keçirmiş olduqları parçala hökm sür siyasətinin qurbanı olma qarşısında qalmağına baxmayaraq, qardaşlarına köməyə gələn Azərbaycanı işğaldan qurtarmaq üçün qurulmaqda olan Azərbaycanın milli ordusunun yaranmasına yardım edən, Gəncədə onların toplanmasını, toparlanmasını həyata keçirib Şamaxıdan ordan da Bakıya qədər gəlməsi və bununla Bakını işğaldan azad edən Nuru Paşa kimi dəyərli komutanımızı və igid Osmanlı türk əsgərini yad etməyimiz tarix qarşısında bir məsuliyyətimizdir. Əminəm ki, yüz illər sonra necə ki biz bu gün Azərbaycan və Türkiyə dostluğu birlikdə və bərabər böyük sevgi ilə yad ediriksə necə ki, biz artıq 2021-ci ildə 15 iyun tarixində Şuşada imzalanmış tarixi qəhrəmanlıq dastanımızın mükəmməl bir örnəyi olan Şuşa Bəyannaməsini birlikdə və bərabər, müttəfiqlikliyimizin mükəmməl bir dan ulduzu olaraq qəbul ediriksə, yüz illər keçəcək gələcək nəsillərdə böyük ruh yüksəkliyi ilə bu günləri yad edecekdir.
Azərbaycan və Türkiyənin bölgədə və regionda güc sahibi olmasını əngəlləməyə çalışanların qarşısında güc birliyi oluşturmağımız vacib bir şərtdir. Bu baxımdan dövlətlərimizin üzərinə böyük məsuliyyət düşməklə bərabər, eyni zamanda insanlarımızın, millət vəkillərimizin, qəzetəçilərimizin, yazarlarımızın üzərinə çox böyük bir məsuliyyət düşməkdədir. Əgər 30 il ərzində Osmanlının daha çox yaşamasına səbəb verən Əbdülhəmiddirsə, dağılan, talan olunan Türkiyə Cumhuriyyətinidə quran Mustafa Kamal Atatürkdür. Bu baxımdanda bir şeyi də unutmamaq lazımdır ki, Heydər Əliyev kimi dahi şəxsiyyətdə Azərbaycana gəlməsəydi yəqin ki biz bu gün, bu qədər uğurlardan danışmağımız boş olacaqdır. Heydər Əliyev kimi dahi şəxsiyyətin hakimiyyətə gəlməsi, Azərbaycanı formalaşdırması və bu günlər Azərbaycan Prezidenti cənab İlham Əliyevin Türk dünyasının birlik və bərabərliyi üçün bütün gücü ilə çalışmasının mən şəxsən şahidiyəm. Türk Dövlətləri Baş katibi kimi fəaliyyət göstərəndə qəbullarda bilavasitə eşitmiş olduğum kəlamlar “Türkiyə güclüdürsə, Azərbaycan güclüdür, Azərbaycan güclüdürsə, Türkiyə güclüdür” deyən bir liderə sahibik və bununlada fəxr etməliyik. Dəyərli dostlar Şəhidlərimizi yad edərək Nuru Paşa kimi dəyərli qəhrəmanlarımızı yad edərək burda fikirlərimi tamamlamaq istəyirəm. Hər birinizə bundan sonra da Türkiyə və Azərbaycan dostluğu, qardaşlığımızın birlik və bərabərliyi üçün canı gönüldən çalışmaq, üçün güc, qüvvət və əzim diləyirəm çox sağ olun.” – fikirlərini bölüşüb.
