Küçələrdə qoyulan balaca masaların ətrafında sabaha ümudlə baxan, amma tələyə düşən minlərlə insan var. Bəli, bu gün Bakıda bütün metro çıxışlarında, avtobus dayanacaqlarında bu tələlər var. Bu tələni quran isə “Azərlotereya” ASC- dir. Minlərl Azərbaycan vətəndaşı bu gün bu tələnin qurbanına çevrilib. Ailələr var ki, öz evini, maşınını sataraq bu tələnin qurbanına çevriliblər. Bu tələnin əsl adı isə “Poz Qazan”dır. Minlərlə insan bu qumar oyununun qurbanına çevrilib.
Ölkədə yeni lotereya növü olan “Poz Qazan”-ın Bakıda son bir ayda onlarla satış nöqtəsi açılıb. Demək olar ki, bütün metro çıxışlarının qarşısında 3-4 satış köşkü var.
Paytaxtda və bölgələrdə istənilən belə məntəqələrin qarşısında yaşı 7-dən 77-ə olan insanlar olmaqla, uzun növbələr görmək mümkündür. Növbədəkilərin əksəriyyəti isə tələbələr, gənclər və qazandıqları əmək haqlarında razı olmayan şəxslərdir. Bu insanlar ümid edirlər ki, narkotik asılılığı kimi asılılıq yaradan bu üsulla bir gün varlanacaqlar.
Bəs görəsən insanlar bu ani lotereyadan həqiqətən pul qazana bilirlər? Yoxsa onlar doğrudan inanırlar ki, bir gün bu, onların həyatını dəyişəcək? Ümumiyyətlə, belə qazanılan pul xoşbəxtlik gətirir?
Amma apardığımız müşahidələr onu göstərir ki, bu narkotik asılılığa çevrilən oyun artıq ölkənin bir nömrəli probleminə çevrilib. “Azərlotereya” minlərlə insanı zombiləşdirib bu oyunun qurbanına çevirməklə nəyə nail olmaq istəyir?
Son ümid foulunu da xərcləyən insan çıxış yolunu intiharda görür. Bəli “Azərlotereya” minlərlə ölkə vətəndaşını intihara sürükləyir.
Yəqin ki, “Azərlotereya”ya dur deyən tapılacaq. Əks halda bu şirkət həm ölkəni, həm də minlərlə insanı uçuruma aparacaq.
