27 sentyabr Vətən müharibəsi şəhidlərinin anım günündə “Azəristiliktəchizat” ASC-də müharibə veteranı olan əməkdaşlarla görüş keçirilib.
Alp.az xəbər verir ki, Vətən müharibəsi şəhidlərimizin anım günündə “Azəristiliktəchizat” ASC-də çalışan Birinci və İkinci Qarabağ müharibəsi veteranları ilə görüş keçirilib. Görüş şəhidlərimizin müqəddəs xatirələrinin bir dəqiqəlik sükutla yad edilməsi ilə başlayıb. Vətənimizin ərazi bütövlüyü və müstəqilliyi uğrunda döyüşmüş qurum əməkdaşları ilə baş tutan bu görüşün xüsusi əhəmiyyətinə toxunlub, müharibə veteranlarının daim dövlətimizin diqqət və qayğısı ilə əhatə olunması qeyd edilib.
Daha sonra həm Birinci Qarabağ müharibəsi, həm də Vətən müharibəsi iştirakçıları müharibədə yaddaqalan xatirələrindən danışıblar.
