Tanınmış iqtisadçı alim Qubad İbadoğlu London İqtisad Məktəbinin (LSE) Siyasi elmlər bölümünün professoru və baş emi işçisi kimi işə başlayıb.
Alp.az xəbər verir ki, yüksək akademik reputasiyaya malik, Corc Sorosun, ABŞ-ın 35-ci prezidenti Con Kennedinin, Tayvanın hazırkı prezidenti Tsai Ing-wenin məzun olduğu London İqtisad Məktəbində fəaliyyətə başlayan iqtisadçı alim, yeni işinin onun elmi və pedaqoji fəaliyyəti üçün böyük imkanlar yaradacağını deyib: “Siyasi elmlər LSE-nin dünya reytinqində ilk onluğa düşən 12 ixtisasından biridir və bu bölüm dünya üzrə sıralamada beşincidir. Eyni zamanda, Böyük Britaniyanın Azərbaycan üçün əhəmiyyəti və Türkiyə ilə gündən-günə inkişaf edən münasibətləri həm elmi, həm də siyasi perspektivləri genişləndirir. Londonda, xüsusilə qlobal və regional siyasətin liderləri, tədqiqatçıları ilə birbaşa təmaslardan ölkəmiz naminə faydalanmaq niyyətindəyəm” – İbadoğlu vurğulayıb.
