image-ads_2000x150
image-247613945_164665999203340_638040174389726427_nbackend

“Azərbaycanın bu addımı…” –İran XİN

image-ads_728x90

İran İslam Respublikasının Xarici İşlər Nazirliyinin sözçüsü Saeed Xatibzadə çərşənbə günü gecə həbsdə olan iki iranlı sürücünün azadlığa buraxılması ilə bağlı mediada yayılan xəbərlərlə bağlı açıqlamalar verib. Alp.az xəbər verir ki, İran Xarici İşlər Nazirliyinin sözçüsü Səid Xətibzadə Azərbaycan Respublikası ərazisindən qanunsuz olaraq Emənistana yük daşıyarkən həbs edilən iki iranlı sürücüdən danışıb.
İran dövlət televiziyasının “Xəbər” telekanalına açıqlamasında Xətibzadə deyib ki, İran xarici işlər naziri Hüseyn Əmir Abdullahiyanın Nyu-Yorka səfəri zamanı Azərbaycan nümayəndələri ilə apardığı müzakirələrdən, eləcə də Abdullahianın azərbaycanlı həmkarı Ceyhun Bayramovla telefon danışığından sonra iranlı sürücülər Şəhrud Novruzi və Cəfər Bərzigər bu gün səhər saatlarında Bakıda sərbəst buraxılıblar.
“Hər iki sürücü həbsdə saxlanılan daha iki İran vətəndaşı ilə birlikdə azad edilərək İranın Azərbaycandakı səfirliyinə təhvil veriliblər. Hazırda həmin şəxslərin İrana qayıtması üçün yol keçid vərəqələrinin hazırlanması üzərində iş aparılır.
Azərbaycanın bu addımı yəni sürücülərin azad edilməsi vəziyyətin daha da normallaşması yönündə atılan bir addımdır. Ümid edirəm ki, hamı bölgədə mövcud şərait və vəziyyətin normallaşmasına yardım edəcək”, -deyə İran Xarici İşlər Nazirliyinin sözçüsü qeyd edib.

Loading...
image-ads_728x90

  • whatsapp
  • messenger
  • telegram
  • vkontakte
  • odnoklassniki