Ermənistan xarici işlər nazirinin müavini Vahe Gevorqyan Qarabağla bağlı danışıqların bərpası ilə bağlı yeni görüşlərin olacağını diqqətə çatdırıb.
Alp.az xəbər verir ki, o, yaxın vaxtlarda xarici işlər naziri və Minsk Qrupu həmsədrlərinin yeni görüşünün keçiriləcəyini istisna etməyib.
Vahe Gevorqyan Xarici işlər nazirliyinin danışıqlar prosesini bərpa etmək üçün ardıcıl çalışdığını bildirib.
Bu işin nəticələrindən biri də Ararat Mirzoyan və Ceyhun Bayramovun Nyu-Yorkda görüşü və vasitəçilərin köhnə formatda işi davam etdirmək barədə bəyanatı olub.
Nazir müavini bu prosesin davam etdiriləcəyindən və danışıqlar prosesinin bərpası üçün şərait yaradılacağından əmin olduğunu bildirib.
