Bu ilin birinci rübündə Azərbaycan ət və buğda idxalını xeyli azaldıb.
Belə ki, Azərbaycan bu il 6534 ton buğda idxal edib və bu keçən ilin müvafiq dövrü ilə müqayisədə 22,7 faiz azdır. Həmçinin, ət idxalında da, 23 faiz azalma baş berib.
Maraqlıdır, idxalın azalması bazarlardakı qiymətlərə necə təsir göstərəcək?
Bununla bağlı Cebhe.info-ya açıqlama verən “Azad İstehlakçılar” İctimai Birliyinin sədri Eyyub Hüseynov bildirib ki, ət və un məmulatları bazarında qiymət artımı gözlənilir:
“İdxal azaldığı üçün ət bazarında qiymətlər qalxacaqdır. Buğda ilə bağlı isə vəziyyət belədir ki, yerli istehsal kifayət edirsə, qiymətlərə təsir etməyəcək. Lakin kifayət qədər istehsal yoxdursa, minimum 5-6 faiz bahalaşma baş verəcək. İdxalda azalmalara süni bariyerlər, təlabatın zəif olması səbəb ola bilər. Bundan başqa, alıcılıq qabiliyyətinin aşağı düşməsi və xarici ölkələrdəki qiymətlərin artması da, buna təsir edən amillərdəndir”.
