Azərbaycan, Pakistan və Türkiyə xüsusi təyinatlılarının birgə təlimləri başlayır “Azərbaycan, Pakistan və Türkiyə xüsusi təyinatlı hərbi birləşmələrinin təlimləri keçiriləcək”.
Alp.az-nın məlumatına görə, bunu Azərbaycan Respublikası müdafiə nazirinin müavini, Hərbi Hava Qüvvələrinin (HHQ) komandanı general-leytenant Ramiz Tahirov deyib. O bildirib ki, Azərbaycanda keçiriləcək təlimlər “Üç Qardaş – 2021″ adı altında reallaşacaq. Təlimlər sentyabrın 11-dən 21-dək tarixlərdə keçiriləcək. General-leytenant Ramiz Tahirov qeyd edib ki, təlim zamanı xüsusi təyinatlılara Azərbaycan Hərbi Hava Qüvvələri havadan dəstək verəcək. Qeyd edək ki, “Üç Qardaş-2021” beynəlxalq təlimi dost və tərəfdaş ölkələrin hərbi qulluqçularının sülh və müharibə dövründə əməliyyatlara hazırlanması, bilik və təcrübə mübadiləsinin aparılması üçün əlverişli mühitin yaradılmasına müsbət təsir göstərəcək. Pakistanın və Türkiyənin dağlıq ərazilərdə terrorla mübarizədə, Azərbaycanın isə Vətən Müharibəsində əldə etdiyi döyüş təcrübəsindən irəli gələn döyüş üslubu təlimlərdə təkmilləşdiriləcək
