30 iyul Azərbaycan Televiziya və Radio Verilişləri Qapalı Səhmdar Cəmiyyətinin tərkibində fəaliyyət göstərən Azərbaycan Beynəlxalq Radiosunun yaranmasından 80 il ötür.
Alp.az xəbər verir ki, radioda hazırda türk, rus, fars, gürcü, ərəb, ləzgi, talış və kürd dillərində verilişlər yayımlanır.
1941-ci ildə ilk dəfə Azərbaycan radiosu fars və türk dillərində verilişlər hazırlayıb. Həmin verilişlər bir müddət sonra “Bakının səsi” adı altında dünya efirinə çıxıb.
1992-ci ildən başlayaraq Azərbaycan Beynəlxalq Radiosu daha çox dildə verilişlər təqdim etməyə başlayıb.
Radioda gün ərzində sosial, siyasi, mədəniyyət xəbərləri, o cümlədən Azərbaycanın tanınmış şəxsiyyətləri haqqında dünya ictimaiyyətinə məlumatlar təqdim edilir.
Hazırda bu radio AzərSat peyki vasitəsilə internet üzərindən yayımını davam etdirir.
Azərbaycan Beynəlxalq Radiosu səhər 08:25-dən axşam saat 22:30-dək dinləyicilərin qonağı olur.
Qeyd edək ki, Azərbaycan Dövlət Radiosu 1926-cı il 6 noyabrda efirə başlayıb.
