image-ads_2000x150
image-777backend

Avropada nə qədər “uşaq pulu” verirlər? –ŞOK RƏQƏMLƏR

image-ads_728x90

“Hazırda Azərbaycanda 2,7 milyon nəfərdən çox yaşı 18-ə qədər olan uşaq var. Ayda 100 manat uşaqpulu təyinatı aparılması təkliflərini nəzərə alsaq, bu, illik 3,3 milyard manat vəsait edir. Sosial proqramlar adətən 10 illik hazırlandığına görə, bu müddət ərzində uşaqpulu təminatı üçün 30 milyard manatdan çox pul tələb olunur”.

Alp.az xəbər verir ki, bunu əmək və əhalinin sosial müdafiəsi naziri Sahil Babayev media qurumlarının rəhbərləri ilə görüşündə deyib.

Sahil Babayevin bu arqumenti əslində gülünc olduğu hər kəsə bəllidir. Məlumdur ki, dünyanın bütün ölkələrində
uşaqpulu təminatı vətndaşlara ödənilir. Bu məbləğlər isə kifayət qədər çoxdur.
Alp.az olaraq dünyada uşaq pulu ödəyən ölkələri araşdırdıq.
Avstriya
Bu ölkədə 3 yaşınadək uşaqlara 105,4, 3-10 yaş arası uşaqlara 112,7, 10-19 yaş arası uşaqlara 130,9 avro aylıq müavinət verilir. İkinci uşağa görə aylıq məbləğə 12,8 avro, 3 və daha çox uşağa görə isə 25,5 avro əlavə olunur.
Böyük Britaniya
Birinci uşağa görə 105 avro, ikinci və daha çox uşağa görə isə 70 avro verilir. Həm də 18 yaşadək…
Almaniya
1 uşağa görə 219, 2 uşağa görə 438, 3 uşağa görə 663 avro müavinət verilir. Uşaqların sayı üçdən çox olduqda müavinət hər uşağa görə 250 avrodan hesablanır.
Danimarka
3 yaşınadək olan uşaqlara 145, 3-7 yaş arası uşaqlara 131, 7-18 yaş arası hər uşağa görə isə 104 avro müavinət verilir.
İrlandiya
1 uşağa görə 140, 2 uşağa görə 280, 3 uşağa görə 428 avro müavinət verilir.
İtaliya
Bu ölkədə uşağa görə müavinətlərin verilməsi mexanizmi fəqlidir. İtaliyada illik gəliri 11 422 avroyadək olan ailələrə hər uşağa görə 250,48 avro müavinət verilir. Valideynlərin gəliri 27693 – 30403 avro olduqda bu rəqəm hər uşağa görə 38,73 avro təşkil edir. Valideynlərinin illik gəliri 43 962 avrodan çox olan uşaqlara isə müavinət verilmir.
Lüksenburq
1 uşağa görə 185,6, 2 uşağa görə 440,72, 3 uşağa görə 802,74 avro müavinət verilir. 3 uşaqdan sonra dünyaya gələnlərin hər biri isə 361,82 avro müavinət alırlar.
Niderland
6 yaşadək olan hər uşağa görə 58,11 avro, 6-11 yaş arası hər uşağa görə 70,57 avro, 12-17 yaş arası hər uşağa görə isə 82,02 avro müavinət verilir.
Finlandiya
Birinci uşağa 100, ikinci uşağa 110,5, üçüncü uşağa 131, dördüncü uşağa görə isə 151,5 avro müavinət verilir. Uşaqların sayı 4-dən çox olduqda müavinət yeni doğulan hər uşağa görə 172 avro təşkil edir.
Fransa
İki uşağa 120,32, üç uşağa 274,47, dörd uşağa 428,62, beş uşağa 582,77 avro müavinət verilir.
İsveçrə
16 yaşadək uşaqlara verilən müavinət uşaqların sayına görə dəyişir və 165-330 avro təşkil edir. 16-25 yaşına qədər olanlara isə 210 – 440 avro aralığında müavinət verilir.
Belarus
3 yaşadək olan uşağa görə valideynlərdən bininin əməkhaqqına 172 avro əlavə edilir. Uşaqların sayı 2 və daha çox olduqda bu rəqəm 197 avro təşkil edir. Belarusda 3-18 yaş arası uşaqlara verilən müavinətlərin sayı kifayət qədər çox və əsaslandırmaları da fərqli olduğu üçün, sadəcə ən aşağı müavinətin 50 avro təşkil etdiyini yazmaqla, bu məsələyə nöqtə qoymaq istəyirik.
Loading...
image-ads_728x90

  • whatsapp
  • messenger
  • telegram
  • vkontakte
  • odnoklassniki