image-ads_2000x150
image-9270844da1051229c68b4b63bcd92122backend

Arvadını öldürən qatil: “Əvvəllər də elə hərəkətləri olmuşdu” – Məhkəmə

image-ads_728x90

Keçmiş həyat yoldaşını qətlə yetirməkdə təqsirləndirilən şəxs hakim qarşısına çıxarılıb.

Alp.az xəbər verir ki Bakı Ağır Cinayətlər Məhkəməsində Ramil Rəhmanovun cinayət işi üzrə məhkəmə iclası keçirilib.

Hakim Zeynal Ağayevin sədrliyilə ilə keçirilən sonuncu məhkəmə iclasında hadisənin bəzi təfərrüatları məlum olub.

Ramil Rəhmanov ifadə verən zaman deyib ki, qətlə yetirdiyi Svetlana Məmmədova onun ikinci həyat yoldaşı olub. Amma bu evlilik çox qısa çəkib və boşanıblar.

R.Rəhmanov söyləyib ki, hadisə baş verən gün Svetlana Məmmədovanın “BMW” markalı maşına mindiyini görüb.

Onun dediyinə görə, Svetlananı izləmək istəsə də, mümkün olmayıb və onu öldürmək qərarına gəlib.

İttihamda Svetlananın Zabrat qəsəbəsində yaşadığı evin yaxınlığında qətlə yetirildiyi göstərilir.

R.Rəhmanov Svetlana Məmmədovanı məsələləri aydınlaşdırmaq adıyla çöllük əraziyə aparıb. Orada isə bıçaqla boğazından vurmaqla öldürüb.

Məhkəmədə ifadə verən Ramil Rəhmanov keçmiş həyat yoldaşını xəyanətə görə qətlə yetirdiyini iddia edib.

“Əvvəl də elə hərəkətləri olmuşdu. Amma mən bağışlamışdım. Daha doğrusu, and içmişdi ki, elə deyil, mən də inanıb, onun üçün keçmişdim”- deyən Ramil Rəhmanov hadisəni törədəndən sonra özü könüllü şəkildə polisə məlumat verərək, təslim olduğunu bildirib.

R.Rəhmanov “elə hərəkətləri” məhkəməyə izah edə bilməyib.

Mərhumun anası Həcər Məmmədova məhkəmədə söyləyib ki, Ramil Rəhmanovun xəyanət haqqında söylədikləri yalandır:

“Qızımın heç bir günahı olmayıb. Qızım bələdiyyədə işləyirdi, bu adam da lazım olanda taksi sürücüsü kimi aparıb-gətirirdi. Sonra qızım dedi ki, ona evlilik təklifi edib. Amma biz razı olmadıq. Çünki o, mənim qızımın tayı deyildi”- deyən Həcər Məmmədova əlavə edib ki, hadisə günü qızının mindiyi avtomobil öz xalası oğlunun maşını olub.

Həcər Məmmədova qəsdən adam öldürməkdə ittiham olunan R.Rəhmanova ən ağır cəza verilməsini istəyib.

Loading...
image-ads_728x90

  • whatsapp
  • messenger
  • telegram
  • vkontakte
  • odnoklassniki