Qondarma rejimin rəhbəri Araik Aruthunyan erməni mediasına geniş müsahibə verib. Alp.az “Hraparak” qəzetinə istinadən xəbər verir ki, Aruthunyan açıqlamasında bildirib ki, onlar bir çox çətinliklərlə üz-üzədirlər.
“Ciddi problemlərlə üz-üzəyik. Bu problemləri həll etmək üçün beynəlxalq təşkilatlar və rəsmi İrəvan bizə dəstək olmalıdır. Əgər bu problemlərin həllini istəyiriksə tezliklə bizə lazım olan maliyyə vəsaiti ilə təmin olunmalıyıq. Amma görünən odur ki, kimlərsə bizim vəsaitlə təmin olunmağımıza maneəçilik törədir. Bizə ayrılan vəsait bizə çatdırılmır. 2022-ci ildə bizə verilməli olan vəsaitin böyük hissəsi bizə çatmayıb. Biz yeni quruculuq işlərini həyata keçirdə bilmirik. Məhz bu səbəbdən elektrik enerjisi, həmçinin əhalinin su ilə təmin edilməsində problemlərlə üzləşirik. Həmçinin bir çox yaşayış məntəqələrinin təmiri və bərpası bizim üçün proritet məsələdir. Lakin biz bunları həyata keçirdə bilmirik. Əgər yaxın zamanda bizi vəsaitlə təmin etməsələr biz başqa mənbələrdən bu vəsaiti əldə etmək üçün hərəkətə keçəcəyik”- deyə Aruthunyan bildirib.
P.S. Qeyd edək ki, “Hraparak” qəzeti Araik Aruthunyanın bu müsahibəsindəki detallara toxunaraq onun yeni planlarının olduğunu açıqlayıb. Nəşr qeyd edib ki, Araik Aruthunyan rusiyameylli qüvvələrə təmasa keçməsinə siyasi don geyindirməyə çalışır. Nəşr bildirir ki, Araik Aruthunyan bir müddət ki, Qarabağda rusiyameylli qüvvələrin adamları ilə sıx əlaqədədir.
