“Mən ordan-burdan eşidirəm, yenə də başlayıblar ki, məsələ öz həllini tapmalıdır, bu münaqişə həll olunmayıb. Çox yanlış və təhlükəli yoldadırlar. Əgər həll olunmayıbsa, onda qoy bizə izahat versinlər, necə həll olunmalıdır”.
Alp.az xəbər verir ki, bunu prezident İlham Əliyev Qarabağ məsələsi ilə bağlı beynəlxalq qurumlardan səslənən bəyanatlara münasibətində söyləyib.
Prezident daha sonra deyib:
“Hesab edirik ki, bu, həll olunub, artıq müharibə dövrü arxada qalıb. Amma buna baxmayaraq, biz müharibəyə hər an hazırıq və hazır olmalıyıq.
Əgər Şərqi Zəngəzur varsa, deməli Qərbi Zəngəzur da var. İndi bütün kommunikasiyalar açılandan sonra, əlbəttə, biz qayıdacağıq və Azərbaycan əhalisi öz dədə-baba torpaqlarına qayıdacaq. Bizim doğma torpağımız Zəngəzurdur, bizim doğma torpağımız Göyçə mahalıdır, İrəvandır. Biz qayıdacağıq, əlbəttə”.
