Ermənistan parlamentinin spikeri Alen Simonayn bu gün mediaya verdiyi açıqlamasında maraqlı fikirlər səsləndirib. Alp.az xəbər verir ki, “Azatutyun TV”-yə danışan erməni spiker Qarabağ danışıqları, erməni rəsmilərinin Xankəndiyə niyə səfər etməməsi barədə qeydlər edib.
O bildirib ki, indiki mərhələdə danışıqlar gedir və bir qədər səbirli olmaq lazımdır. “Danışıqların indiki mərhələsində mən “dağlıq qarabağ respublikası” ifadəsini məqsədəuyğun hesab etmirəm”.
Onun sözlərinə görə, Ermənistan rəsmilərinin müharibədən sonra Xankəndinə getməmələrinə səbəb Azərbaycan tərəfinin sərt reaksiyasıdır. “Biz maksimum dərəcədə Azərbaycan tərəfinin, xüsusən Azərbaycan Prezidentinin sərt cavabından yayınmağa çalışırıq. Məsələn, Əliyev mənim Xankəndinə getməyimlə nə işi var? Sizcə, heç nə edə bilməz? Mən Azərbaycan tərəfinin sərt davranacağından da çəkinmirəm. İndi Xankəndinə getmək qorxuludur. Lakin bəzən elə suallar verirlər ki, sanki başa düşmürlər. Vəziyyət gərgindir. Əgər mən Xankəndinə getsəm, Azərbaycan tərəfi bundan istifadə edəcək və müəyyən addımlar atacaq. Bu nəyə lazımdır, axı? Bu zəif dövrümüzdə onları nəyəsə təhrik etmək, belə bir imkandan istifadə etmək heç bir xeyir vermir. Hesab edirəm ki, erməni məmurlar niyə Xankəndinə getmir tələbi yanlışdır. Hazırda danışıqlar gedir. Biz bir daha silahların danışmasına, güllələrin atılmasına imkan verməməliyik”.jamaz
