İngiltərənin antropoloqları Mərkəzi Afrikanın tropik meşələrində yaşayan alkoqoliklər qəbiləsini aşkar ediblər. Mbenjele Bayak xalqının ovçu-toplayıcıları Ümümdünya Səhiyyə Təşkilatının spirtli içkilərin qəbulu ilə bağlı normalarından əhəmiyyətli dərəcədə çox spirt qəbul edirlər. Belə ki, onların əksəriyyəti həftədə ən azı üç dəfə spirt içir, bəziləri isə bütün həftə ərzində içir. Çox vaxt qəbilə üzvləri bir dəfəyə ÜST-ün təyin etdiyi normanın 2,3-4,2, hətta bəzən 10 porsiya və daha çox spirt içir. Kişilər qadınlardan daha çox spirtli içki qəbul edirlər. Qadınlar üçün hamiləlik belə alkoqoldan imtina etmək üçün səbəb deyil. Əsasən, yerli sakinlər müxtəlif “samaqon”lardan istifadə edir.
Mütəxəssislərin fikrincə, alkoqollu içkilərə alışmanın səbəbi – onların həyat tərzinə təsir edən və çox güman ki, psixikasını pozan iqtisadi dəyişikliklər olub. Alkoqol istehlakının artması onların sağlamlığına təsir edib və zorakılıq səviyyəsini artırıb. Tədqiqatçılar ümid edir ki, qəbilə üzvlərini alkoqolun zərərli olduğu haqda maarifləndirməklə alkoqol istehlakı azalacaq. Lakin uzunmüddətli perspektivdə, ilk növbədə, yerli xalqların sosial-iqtisadi vəziyyətini yaxşılaşdıracaq hərtərəfli müdaxiləyə ehtiyac duyulur – mütəxəssislər qeyd edir.virtualaz.org
