ABŞ Rusiyanı regionda sıxışdırmaqda davam edir. Alp.az xarici mediyaya istinadən xəbər verir ki, ABŞ bu dəfə Norveçlə hərbi əməkdaşlığı gücləndirib. Belə ki, ABŞ Norveçə 50-dən çox yeni F-35A verəcək ki, bu da ölkənin Hərbi Hava Qüvvələrində xidmətdə olan köhnəlmiş F-16-nı əvəz edəcək.
F-35 Avropaya tələsir
Su-57-nin əsas rəqibi Amerikanın F-35A qırıcısıdır. Rusiya sözsüz müasir silah baxımından ABŞ-dan geri qalır. Məhz bu amildən istifadə edən ABŞ Rusiya ilə həmsərəhəd olan ölkələri və yaxud tərəfdaşlarını müasir silahlarla və təyyarələrlə təhciz edir.
Oktyabrın 5-də ABŞ Müdafiə Nazirliyinin gündəlik “Star and Stripes” qəzeti bu ilin sonundan etibarən NATO-nun Avropadakı hava bazalarında yerləşdiriləcək F-35A Lightning II döyüş təyyarəsinin mühüm mərhələ keçdiyini bildirib.
Avropada beşinci nəsil qırıcıların sayı cari onillikdə artacaq. Sentyabr ayında ABŞ-ın Avropa Komandanlığının və NATO-nun Avropadakı Ali Baş Komandanı general Tod Uolters alyansa üzv ölkələrin 12 milli hava bazasında 450 F-35A qırıcısı yerləşdirmək planlarını açıqlamışdı. Bu barədə “Breaking Defence” onlayn jurnalı məlumat yayıb. Generalın sözlərinə görə, bu təyyarələr Hollandiyada (2022), Danimarkada (2023), İtaliyada (2022), Norveçdə (2022), Belçikada (2025-2027) və Polşada (2026) da yerləşdiriləcək.
Yeni təyyarə təkcə ABŞ Hərbi Hava Qüvvələrinə məxsus olmayacaq. Artıq Böyük Britaniya, Hollandiya, İtaliya, Norveç, Belçika və Polşa ilə öz orduları üçün F-35A-nın alınması üçün müqavilələr imzalanıb. Ekspertlər etiraf edirlər ki, bu qırıcını İsveçrə, Birləşmiş Ərəb Əmirlikləri, Finlandiya və Kanada da ala bilər. Artıq 14 ölkə F-35 Lightning II-nin alınması üçün müraciət edib.
Rusiya sərhədinə ən yaxın Polşa da bu təyyarələrdən alacaq. 2020-ci ilin yanvarında Varşava ABŞ-la 32 F-35A alqı-satqısı üçün müqavilə imzaladı. Polşa Hərbi Hava Qüvvələri üçün bu təyyarələrin istehsalına başlanması 2022-ci ilə planlaşdırılır. Varşava ilk təyyarəni 2024-cü ildən tez almayacaq.
Alp.az
