ABŞ rus ordusunun Buçada törətdiyi vəhşiliklərlə bağlı Moskvaya hərbi cavab vermək fikrində deyil.
Alp.az xəbər verir ki, bunu Ağ Evin sözçüsü Cen Psaki keçirdiyi brifinqdə deyib.
Jurnalistlər Ağ Evin sözçüsündən ABŞ və tərəfdaşlarının Kiyev bölgəsində mülki əhalinin qətlinə necə reaksiya verəcəyini soruşub.
Psaki bildirib ki, prezidentin məqsədi ABŞ və Amerika xalqının maraqlarına uyğun qərarlar qəbul etmək, Rusiya ilə müharibəyə getməməkdir:
“Onların ədalət qarşısında cavab verməsi üçün hər şeyi etmək, Ukrayna xalqına hərbi yardım göstərmək əsas hədəflərimizdir. Rusiya ilə müharibə etmək bizim marağımızda deyil”.
O, həmçinin qeyd edib ki, Birləşmiş Ştatlar sübut toplamağa davam edir və müharibə cinayətləri üzrə mümkün mühakimə ilə bağlı Ukraynaya və BMT-nin İnsan Hüquqları Şurasına dəstəyini davam etdirəcək.
