Ağ Ev rəsmiləri Çinin Ukraynaya qarşı müharibə başlayandan bəri Rusiyaya hər hansı hərbi yardım edib-etmədiyini söyləməkdən imtina edib.
ABŞ-da bildiriblər ki, Çin Ukraynaya qarşı müharibədə Rusiyaya kömək etsə, “nəticələr”lə üzləşəcək.
Alp.Az Qərb mediasına istinadla xəbər verir ki, bu barədə Ağ Evin mətbuat katibi Cen Psaki bildirib.
Onun sözlərinə görə, söhbət ABŞ-ın müttəfiqləri və tərəfdaşları ilə razılaşdıracağı iqtisadi sanksiyalardan gedir.
“Əgər onlar hərbi və ya digər yardım göstərsələr ki, bu, təbii ki, sanksiyalara ziddir və ya hərbi səyləri dəstəkləsələr, bunun əhəmiyyətli nəticələri olacaq”, – deyə Psaki bildirib.
Lakin o, Ukraynaya qarşı müharibə başlayandan bəri Çinin Rusiyaya hər hansı hərbi yardım edib-etmədiyini söyləməkdən imtina edib.
Dövlət Departamentinin sözçüsü Ned Prays isə jurnalistlərə açıqlamasında “Biz Pekinə çox açıq şəkildə bildirdik ki, biz dayanmayacağıq. Biz heç bir ölkəyə Rusiyanın itkilərini kompensasiya etməyə imkan verməyəcəyik”, – Reuters yazır.
Həmçinin Bayden administrasiyası qeyd edib ki, onlar Rusiyanın Ukraynaya hücumunun bir hissəsi kimi deeskalasiya əlaməti görmürlər.
Rüfət
