İyunun 1-i saat 20.00 radələrində Ermənistan silahlı qüvvələri təqribən 40 nəfərə yaxın şəxsi heyətlə Azərbaycan Respublikasının Kəlbəcər rayonunun Armudlu kəndi istiqamətində 400 metr Azərbaycan ərazisinə daxil olub və 40 dərəcə 04 dəqiqə 30 saniyə şimal enliyi, 45 dərəcə 54 dəqiqə 42 saniyə şərq uzunluğu (N 40°04′30″; E 45°54′42″) coğrafi koordinatlarında mövqe tutublar.
Müdafiə Nazirliyi və Dövlət Sərhəd Xidmətindən Alp.az-a verilən birgə məlumata görə, Azərbaycan Respublikasının silahlı qüvvələrinin dərhal həyata keçirdiyi tədbirlər nəticəsində Ermənistan silahlı qüvvələri ölkəmizin ərazisindən çıxarılıb.
Bu gün səhər isə Ermənistan Müdafiə Nazirliyinin mətbuat xidməti hadisənin necə baş verdiyi haqqında etiraf edib.
Ermənistan Müdafiə Nazirliyi iddia edir ki, ermənilər səhvən həmin əraziyə daxil olublar. Lakin Azərbaycan əsgərləri dumanda yollarını azan erməniləri döyüb. Erməni mətbuatı hələ dünən bu məsələylə bağlı maraqlı yazı hazırlamışdı. Mətbuat iddia edirdi ki, 40 erməni əsgərinin 5 Azərbaycan əsgəri tərəfindən döyülməsinə Ermənistan müdafiə nazirliyi heç bir don geyindirə bilmir.Erməni sosial şəbəkə fəalı Geqam Sarkisyan isə maraqlı bir status paylaşıb:”40 hazırlıqlı əsgərimizi 5 Azərbaycan əsgəri döyürsə bu ordunu ləğv etmək lazımdır. Pulumuzu verib rusa, amerikalıya, fransıza sərhədlərimizi qorumağı bacararıq. ”
