Prezident İlham Əliyevin tapşırığına əsasən Azərbaycanın mədəniyyət paytaxtı Şuşada bu gün «Xarıbülbül» musiqi festivalına start verilir.
Alp.az xəbər verir ki, festival mayın 12-i və 13-də Heydər Əliyev Fondunun təşkilatçılığı ilə həyata keçiriləcək.
Tədbirdə Azərbaycanda yaşayan müxtəlif xalqların musiqi kollektivləri çıxış edəcək, xalq və klassik musiqi səsləndiriləcək.
32 ildən sonra Cıdır düzündə keçiriləcək budəfəki festivala ölkəmizin bir çox tanınmış şəxsləri dəvət edilib.
Xatırladaq ki, Şuşanın rəmzi olan gülün adını daşıyan “Xarıbülbül” musiqi festivalı ilk dəfə 1989-cu ilin may ayında Şuşanın əsrarəngiz Cıdır düzündə təşkil olunub.
