Azərbaycan Milli Elmlər Akademiyasının (AMEA) Nizami Gəncəvi adına Ədəbiyyat İnstitutu tərəfindən keçirilən tender müsabiqəsinin qalibi məlum olub.
Alp.az açıqlanan rəsmi məlumatlara istinadən bildirir ki, tender müsabiqəsinin qalibi “Dımex-CO” MMC olub.
“Dımex-CO” MMC AMEA-nın Ədəbiyyat İnstitutuna 34 min 849 manat 70 qəpik dəyərində dəftərxana və təsərrüfat malları satacaq.
Tender müsabiqəsilə bağlı maraqlı məqamlardan biri odur ki, AMEA tender müsabiqəsini may ayının 18-də elan edib. Müsabiqənin qalibi olan “Dımex-CO” MMC isə elandan cəmi 3 ay əvvəl – fevral ayında dövlət qeydiyyatına alınıb.
Məlumat üçün bildirək ki, “Dımex-CO” MMC 04.02.2021-ci il tarixində dövlət qeydiyyatına alınıb. Nizamnamə kapitalı 10 manat olan MMC Yasamal rayonu, Həsənbəy Zərdabi, ev 4, m. 18 ünvanında yerləşir. MMC-nin qanuni təmsilçisi Məmmədzadə Mirzəağa Rafiq oğludur.
Xatırladaq ki, “Dövlət Satınalmaları Haqqında” Qanunun 6-cı maddəsində malgöndərənlərin (podratçıların) ixtisasına dair tələblər yer alıb. Həmin maddənin 6.2.1-ci bəndində açıq şəkildə yazılır ki, satınalma müqaviləsinin icrasını təmin etmək üçün müvafiq sahədə peşəkarlığının, təcrübəsinin, texniki və maliyyə imkanlarının, işçi qüvvəsinin, idarəetmə səriştəsinin, etibarlığının olması lazımdır.
3 ay əvvəl yaranan şirkət AMEA-nın 35 min manatlıq tenderində qalib oldu
