Erməni mətbuatında “Zəngəzur dəhlizi”nin açılması ilə bağlı fikirlər haçalanıb.
Alp.az xəbər verir ki, bir qrup erməni ziyalısı “Zəngəzur dəhlizi”nin açılmasının tərəfdarıdır. Digər bir qrup isə bu dəhlizin açılmasının istəmir. Ancaq “Zəngəzur dəhlizi”nin açılmasını istəyənlər bunu o məqamla izah edirlər ki, bu dəhlizin açılması ilə Ermənistanda qısa zamanda iqtisadi sıçrayışa nail olacaq. Minlərlə erməni yeni iş yeri qazanacaq.
Sünik qubernatoru Melikset Poqosyan “Zəngəzur dəhlizi”nin açılması ilə bağlı fikirlərini “Hraparak” qəzetinə bildirib. Qubernator qəzetə müsahibəsində belə deyib: “Zəngəzur dəhlizi açılmalıdır. Ermənistanın nicatı bu dəhlizdir. İndi məni bu fikirlərimə görə xalq düşməni edəcəklər. Amma bu qaçılmazdır. Biz iqtisadiyyatımızı düzəltmək üçün beynəlxalq lahiyələrə qoşulmalıyıq. Əgər bundan imtina etsək, gələcəyimiz məhv olacaq. Dövlət üçün yaxşı iqtisadiyyat lazımdır.”
