Azərbaycanlı kikboksçu Zabit Səmədov yenidən rinqə qayıdır.
Alp.az xəbər verir ki, bu barədə idmançının özü Oxu.Az-a məlumat verib.
Zabit iyunun 12-də Belarusda rinqə çıxacaq. Artıq onun rəqibi də bəllidir. Bu, Nigeriya əsilli Niderland vətəndaşı olan Olutobi Ayodeci Kalecaiyedir.
“Dəli it” (“Mad Dog”) ləqəbli idmançı MMA döyüşlərinin də iştirakçısıdır. O sonuncu dəfə 2018-ci ilin martın 3-də italiyalı Ernesto Papaya qalib gəlib. Ümumiyyətlə, onun MMA karyerasında səkkiz qələbəsi, altı məğlubiyyəti var.
