Azərbaycan Yüksəliş Partiyasının strukturunda dəyişikliklər edilib.
AY Partiya Başqanı Anar Əsədli bununla bağlı müvafiq sərəncamlar imzalayıb.
Sərəncamlara əsasən, Azərbaycan Yüksəliş Partiyası Başqanının I müavini və İcra Aparatının rəhbəri, Başqanın İctimaiyyətlə əlaqələr və mətbuat məsələləri üzrə müavini, Hökumətlə əlaqələr və protokol işləri üzrə müavini, Humanitar məsələlər üzrə müavini, Sosial, ailə və uşaq məsələləri üzrə müavini postları ləğv edilib.
Humanitar məsələlər üzrə və Sosial, ailə və uşaq məsələləri üzrə müavinlik postları birləşdirilərək, AY Partiya Başqanının Humanitar, ailə və uşaq məsələləri üzrə müavinliyi postu təsis edilib.
AY Partiya Başqanı Təşkilati məsələlər üzrə müavin postunun yaradılmasına dair sərəncam da imzalayıb.
Daha bir sərəncamla AY Partiyanın bir neçə departamenti özündə birləşdirən İcra Aparatı təsis edilib.
