“İsrafil şəhid olmamışdan bir gün əvvəl mənə zəng etdi, dedi ki, əmi, haqqını hala elə”.
Alp.az xəbər verir ki, bunu Qaynarinfo-ya açıqlamasında Xalq artisti Mənsum İbrahimov qardaşı Zülfüqar İbrahimovun şəhid oğlu İsrafil İbrahimovdan danışarkən deyib. Sənətkar bildirib ki, İsrafilin şəhid olacağı ürəyinə damıbmış:
“İsrafil vətən uğrunda şəhid olub. Ailəmiz üçün ağırdır. Zülfüqar özü də Birinci Qarabağ müharibəsi qazisidir. Biz 7 qardaşıq, onların üçü Qarabağ qazisidir, ikisi müharibə veteranı. Qardaşımın oğlu Xüsusu Təyinatlı Qüvvələrdə idi, ona görə də narahat idik. Müharibə vaxtı tez-tez Ağdama gedirdim, evdə otura bilmirdim. Hər an onun şəhid xəbərini gözləyirdim. Xüsusi təyinatlı olduğundan həyəcan keçirirdik. Hər gün qardaşıma zəng edib İsrafillə maraqlanırdım. Şəhid olmamışdan bir gün əvvəl İsrafil hamıya zəng elədi, sanki ölümü ürəyinə dammışdı. Mənə də zəng elədi, dedi, “əmi, haqqınızı halal edin, ola bilər şəhid olaram”. Dedim, az qalıb, bir az səbirli ol, dedi “biz vətəni qoruyruq, özümüz haqda düşünməyə vaxt yoxdur”.
Sənətkar İsrafil İbrahimovun 30 gün döyüşdüyünü diqqətə çatdırıb:
“Amma Laçının girişində şəhid oldu”.
