Sentyabrın 9-da Yasamal Rayon İcra Hakimiyyətində ölkəmizdə səfərdə olan qardaş Türkiyənin Gabze bələdiyyəsinin nümayəndə heyəti ilə görüş olub. Millət vəkili Elnur Allahverdiyev bu görüş barədə Alp.az-a açıqlamas verib. Millət vəkili görüşün səmərəli keçdiyini açıqlayıb:
“Görüşdə rayonumuzun İcra Hakimiyyətinin başçısı Elşad Həsənov, millət vəkili həmkarım Səbinə Xasayeva , Yasamal bələdiyyəsinin sədri Tahir Məmmədov iştirak edirdilər. Gabze bələdiyyəsinin sədri Zinnur Büyükgöz və Türkiyə Böyük Millət Məclisinin üzvü Cemil YAMAN ilə ölkələrimiz arasındakı münasibətlərdən, xalqlarımızın güzəranından, Vətən müharibəsindən ətraflı danışıb, fikir mübadiləsi apardıq. İki qardaş dövlət arasında yerli idarəetmə orqanları səviyyəsində də sıx əməkdaşlığın mövcudluğu baxımından belə görüşlər olduqca faydalıdır.” -deyə millət vəkili bildirib.
