Türkiyənin müdafiə və aviasiya sənayesi sektoru 2021-ci ilin iyun ayında müxtəlif ölkələrə 221, 8 milyon ABŞ dolları dəyərində məhsul ixrac edib.
Alp.az xəbər verir ki, bu barədə 61 müxtəlif sektordan olan 95 mindən çox şirkətin məlumatlarını toplayan Türkiyə İxracatçılar Məclisinin yaydığı məlumatda qeyd olunub.
Qeyd olunur ki, bu rəqəm ötən ilin may ayı ilə müqayisədə 32.6 % artıqdır.
Türkiyə 2021-ci ilin ilk 6 ayı ərzində 1.34 milyard dollardan çox müdafiə məhsulu ixrac edib. Bu ötən ilin eyni dövrü ilə müqayisədə 45% çoxdur.
2021-ci ilin iyun ayında Türkiyənin müdafiə və aviasiya sənayesi ixracatında önə çıxan ölkələr bunlardır:
ABŞ – 106 milyon dollar
Azərbaycan – 28 milyon dollar
Almaniya – 20.8 milyon dollar
BƏƏ – 12.3 milyon dollar
Çin – 10.3 milyon dollar
