ABŞ prezidenti olduğu müddətdə jurnalist Bob Vudvorddan silsilə müsahibələr aparan Donald Trampın səs yazıları ortaya çıxıb.Alp.az xəbər verir ki, Trampın səs yazılarında prezident Rəcəb Tayyib Ərdoğanla bağlı “Mən onunla yaxşı anlaşıram, mənim üçün ən yaxşı liderdir. Ərdoğan dünyada ən güclü liderlərdən biriidir” ifadələrini işlətməsi diqqət çəkir. Digər tərəfdən, müsahibənin sonuna doğru verdiyi açıqlamada Tramp asan insanlarla o qədər də yaxşı yola getmədiyini bildirir.
ABŞ jurnalisti Bob Vudvord 2020-ci ildə ABŞ-ın o zamankı prezidenti Donald Trampla danışıqlarının audio yazılarını yayıb. “The Trump Tapes” adı ilə yayımlanan 8 saatlıq səs yazısı ABŞ mediası tərəfindən ortaya çıxıb.
Səs yazılarında və Trampın verdiyi açıqlamalarda onun prezident Ərdoğanla münasibəti gündəmə gəlib. CNN tərəfindən yayımlanan səs yazılarında və audiokitablardan çıxarışlarda Tramp Ərdoğan, Şimali Koreya lideri Kim Çen In və Rusiya prezidenti Putin haqqında da şərhlər verib.
CNN müsahibələrində Tramp, Kim, Putin və Ərdoğanı bəyəndiyini bildirib və onlarla eyni otaqda olanda ən ağıllısı olduğunu deyib. 2020-ci ilin yanvarında qeydə alınan səs yazısında Tramp “Mən Ərdoğanla yaxşı anlaşıram, mənim onunla söhbətim yaxşı alınır və o da məni çox sevir” deyib.
