Tarixin bir çox dövründə qatil qadınlar olub. Onların çoxu unudulsa da bəziləri Elizabet Batori kimi öz adlarını tairixin yaddaşına əbədi həkk etdiriblər.
Bəs “Qanlı qrafinya” ləqəbli Elizabet Batori kimdir? Onu dəhşətli cinayətlərə sövq edən nə olub?
Elizabet Batori 1560-cı ildə Macarıstanda dövrünün nəcabətli ailələrinin birində dünyaya gəlib. Elizabetin uşaqlığı çətinliklə keçsə də, ailəsi ziyalı titulunu qoruyub, saxlaya bilmişdi. 15 yaşında olarkən 25 yaşlı Kount Ferenç Nasdasdi ilə evlənir.
20 yaşlarında hər şey dəyişməyə başlayır…
Elizabetin əri daim müharibələrdə, səfərlərdə olurdu. Ona görə də o, bir müddət sonra evlilik həyatından sıxılmağa başlayır və evində əxlaqsız partilər keçirir. Bu partilər zamanı Elizabet gənc kişilərlə eşq macəraları yaşayır, sado-mazoxist lezbiyan gecələri təşkil edirdi. Hətta bir dəfə əri onu bu cür partilərin birində gənc kişi ilə yataqda yaxalasa da, sonradan onu bağışlayır.
İşgəncə əyləncələri
Elizabet getdikcə daha da azğınlaşamağa, sadist kimi kölələrinə işgəncə verməkdən zövq almağa başlayır.
Bir dəfə qulluqçusu Elizabetin saçlarını darayarkən onu incidir. Əsəbləşən Elizabet qulluqçu qıza şillə vurur. Şilənin təsirindən qızın burnu qanayır. Bu Elizabetin diqqətini çəkir, düşünür ki, qız gözəlliyi qandan alır. Bununla da bir müddət sonra Elizabet “Qanlı qrafinya”ya çevrilir.
Qan vannası
Elizabet gənclik formulunu tapdığını düşünürdü. Ona elə gəlirdi ki, gənc qızların qanı ona yenidən gözəllik, gənclik bəxş edir.
Buna görə o, gənc qızları qaçırıb, onları işgəncə ilə öldürür, daha sonra əbədi gənc qalmaq üçün onların qanını içir, asılaraq öldürülən qızların qanında çimirdi.
Əri öldükdən sonra Elizabet cinayətlərinin sayını daha da artırmağa başlayır. Bu dəfə kəndli kölə qızların qanının faydasız olduğunu düşünərək, əyan qızlarının “ovuna” çıxır. Müxtəlif yollarla sarayına dəvət etdiyi bütün qızlar yoxa çıxır.
Bununla bağlı şayiələr imperatora qədər gedib çatır. Macarıstan imperatoru məsələ ilə bağlı baş nazir, Elizabetin əmisi oğlu Kount Ciyorgi Turzonu qalaya basqın etməklə vəzifələndirir. 30 dekabr 1610 -cu ildə Elizabetin əmisi oğlunun başçılıq etdiyi bir qrup əsgər gecəylə qrafinyanın yaşadığı qalaya hücum edir. Əsgərlər bu zaman gördükləri mənzərədən dəhşətə gəlirlər – qalanın altında təxminən 50-yə yaxın gənc qız cəsədi var idi.
Qalaya basqından sonra Elizabetin köməkçiləri də cəzalandırılır. Onların bəziləri barmaqları kəsilərək odun içinə atılır, bəziləri dirəkdə yandırılır.
Qrafinya yoxsa şeytan?
Qrafinya isə öz qalasında, günəş işığı düşməyən, yalnız nəfəs ala bilməsi üçün kiçik dəliyi olan otağa təcrid olunur. 3 il sonra yemək gətirən qulluqçu Elizabetin öldüyünü görür. Cəsədi bayıra aparanda hamı şoka düşür, çünki ölən qrafinya deyildi. Sonrakı müayinələrdən məlum olur ki, qrafinyanın tanınmaz hala düşməsinin səbəbi yoluxduğu siflis xəstəliyi olun. Xəstəlikdən qrafinyanın bədənində ciddi dəyişikliklər baş verib.
Elizabetin arxasında 650 cəsəd qoyub getdiyinə dair əfsanələr hələ də dolaşır.yenimusavat
