1992-ci il mayın 8 Azərbaycanın mədəniyyət ocağı olan Şuşa şəhəri Ermeni birləşmələri tərəfindən işğal edilmişdir.Şuşanın işğalı nəticəsində 480 günahsız vətəndaş qətlə yetirilib, 600 nəfər yaralanıb, 22 min insan öz yurdundan didərgin düşüb. Əsir götürülmüş 68 soydaşımızın taleyi barədə bu günə qədər məlumat yoxdur.
İşğal nəticəsində Şuşadakı bir sıra tarixi-mədəniyyət abidələri düşmən tərəfindən talan edilib. Bildiyimiz kimi 2020-ci il sentyabrın 27-də Ermənistan silahlı qüvvələrinin cəbhəboyu genişmiqyaslı təxribat törətmeyə başlamışdır.Buna cavab olaraq Azərbaycan Ordusu əks-hücum
əməliyyatına başladı. 44 gün davam edən Vətən müharibəsi nəticəsində təxminən otuzil boyunca davam eden ermeni işğalina son qoyuldu və ərazi bütövlüyümüz bərpa olundu. Müzəffər Ali Baş Komandan İlham Əliyevin rəhbərliyi ilə qazanılmış möhtəşəm Zəfər tariximizə və eyni zamanda dünya hərb tarixinə qızıl hərflərlə yazıldı.Muharibənin ilk günündə addım -addım torpaqlarımız azad edən ordumuz şübhəsiz ki,ele müharibənin ilk günündən Şuşa şəhərinin azad olmasını ağlına qoymuşdu.Şuşa döyüşləri İkinci Qarabağ müharibəsində Azərbaycan Ordusunun qələbəsi ilə nəticələnən ən uğurlu əməliyyatlardan biridir.Ordumuz şəhərin qayalıqlarına dırmaşaraq yüngül silah-sursat ilə Şuşaya daxil olublar. Xüsusi təyinatlılar şəhərə bir çox istiqamətdən və fərqli hədəflərə yaxınlaşmaq üçün yüz nəfərlik qruplara bölünüblər.Otuz ilə yaxın davam edən işğala 44 gün ərzində son qoyan, “məğlubedilməz erməni ordusu” mifini dağıdan, döyüş meydanında düşmənə hərb və kişilik dərsi keçən şəhid və qazilərimiz tariximizin şanlı səhifələrinə və xalqın yaddaşına əbədi həkk olunublar.Bu günlərdə ölkəmizdə Vətən müharibəsinin 2-ci ili qeyd edilir.Artik işğaldan azad edilmiş ərazilərdə Zəfər yolu çəkilir və illərdir düşmən Vandalizminə məruz qalmış torpaqlarımızı yeninden bərpa edilir.Bu günləri,bu qüruru ,bu sevinc bizə bəxş edən Ordumuza ,Ali baş komandanımiza borcluyuq.Veten uğrunda canından keçən şəhidlərimizə borcluyuq,öz sağlamlığını Vətən yolunda fəda edən qazilərimizə borcluyuq.Xalqımız qədim Şuşanın, eləcə də Qarabağın bu xoş günlərini sizlərə borcludur.
Xəlilova Sərvinaz -ADPU
