image-ads_2000x150
image-1-63backend

Şuşa yaxınlığında əməliyyat: Kəndlərdən biri düşməndən təmizlənib- MÜDAFİƏ NAZİRLİYİNDƏN AÇIQLAMA 

image-ads_728x90

Dekabrın 5-də Qarabağdakı qanunsuz erməni silahlı dəstələrinin üzvü Qor Martirosyanın müəmmalı şəkildə başından güllə yarası alaraq, öldüyü barədə erməni mətbuatı yalan məlumat yayıb. Alp.az xəbər verir ki, erməni mediası dezinformasiya yayaraq Azərbaycan əsgərlərinin hücuma keçdiyini yazıb.

Qarabağdakı qondarma “İstintaq Komitəsi”nin nümayəndəsi Vardan Tadosyan erməni mətbuatına açıqlamasında iddia edirdi ki, Şuşa şəhərinin yaxınlığındakı kəndlərdən birində, keçmiş “Noyan Tapan” adlı keçmiş hotelin yaxınlığında Azərbaycan Ordusunun əsgərləri ilə qarşılaşıb. O deyib ki, həmin vaxt ölən erməni ilə terrorçu dəstənin daha bir üzvü ərazidə müşahidə aparırmışlar. “Şuşa şəhərinin altında müşahidə aparırmışlar. Orada Azərbaycan əsgərlərini görəndə dayanıblar. Martirosyanın yanında olan dostu oradan uzaqlaşmağı zəruri bilib. Lakin Martirosyan bununla razılaşmayıb və onunla getməkdən imtina edib”.

Tadosyan qeyd edib ki, onlar konkret olaraq tərəflərdən hansı birinin ilk atəş açdığını bilmirlər. “Bizə məlum olan odur ki, Qor Martirosyan başından güllə yarası alıb. Ya Azərbaycan hərbçiləri kifayət qədər yaxın məsafədən atəş açıb, ya da o, snayper atəşindən dünyasını dəyişib. Azərbaycan hərbçilərinin neytral ərazidə görünməsi sürpriz olub. Çünki Azərbaycan Silahlı Qüvvələrinin mövqeyi ilə həmin ərazi arasında məsafə kifayət qədər uzaqdadır. Adətən, həmin mövqelərə enmirlər”.

Separatçıların nümayəndəsi qeyd edib ki, Şuşanın altındakı həmin kənddə artıq Azərbaycan hərbçiləri yerləşməyə başlayıblar. Onun sözlərinə görə, noyabrın 5-dən başlayaraq, bu istiqamətdə fəaliyyətə başlayıblar. “Bu barədə rus sülhməramlılarına müraciət etmişik. Lakin heç bir tədbir görmürlər. Həmin ərazidə bizim müdafiə mövqelərimiz var idi. Artıq həmin mövqelərə gedə bilmirik”.

Lakin Tadosyan Şuşanın yaxınlığındakı həmin kəndin adını çəkməyib. Həmin kəndin adını dəqiqləşdirməyə çalışırıq.

Bildirək ki, Azərbaycan Müdafiə Nazirliyi ermənilərin bu iddiası ilə bağlı dünən məlumat yayıb.

Məlumatda bildirilir: Ermənistan mətbuatında Azərbaycan Ordusunun bölmələri tərəfindən guya açılan atəş nəticəsində Azərbaycan ərazisindəki qanunsuz erməni silahlı dəstəsinin üzvü Qor Martirosyanın öldürülməsi barədə yayılan məlumat əsassızdır və tamamilə yalandır.

Bildiririk ki, bu kimi yalan məlumatların yayılması dekabrın 5-də axşam saatlarında qarşı tərəfdə baş vermiş ölümlə nəticələnən növbəti cinayətin ört-basdır edilməsi cəhdidir.

Loading...
image-ads_728x90

  • whatsapp
  • messenger
  • telegram
  • vkontakte
  • odnoklassniki