Fotoda azərbaycanlı jurnalist, “Şərq qadını” jurnalının baş redaktoru olmuş Qədirbəyova Gülarə İbrahimxəlil qızıdır.
Azərbaycanın ilk xanım jurnalistlərindən biridir. ” Yeni fikir ”, “Kəndli” qəzeti və 1923 cü ildə qadınların savadsızlıqlarının aradan qaldırılması üçün yaradılmış ” Şərq Qadını ” jurnalının ilk xanım müxbiri ,1927-ci ildə Azərbaycan qadınlar şöbəsinin müdiri ,1931- ci ildə isə ” Şərq Qadını ” jurnalına Baş Redaktor təyin edilir.
Azərbaycan SSR Kommunal Təsərrüfat Komissarı H.Sultanovun dindirilməsi zamanı təzyiq altında alınan böhtançı ifadələrdə Gülarə Qədirbəyovanın da əks-inqilabi təşkilatın üzvü olması, 1937-ci ilin oktyabrında güllələnmiş İbrahim Tağıyev tərəfindən əks-inqilabi təşkilata cəlb edilməsi göstərilmişdir..1936 cı ildə yazdığı “Bir sarayın tarixi” kitabını Həmid Sultanov ” Millətçilik ruhunda yazılmış bir əsər ” kimi qələmə verməsi onun həbs olunması ilə nəticələnmişdir. Anasının dəfn mərasimi zamanı həbs edilir. Məhkəməsində Hüseyn Cavid, Mikayıl Müşfiq, Əhməd Cavadla etdiyi dostluq və güllələnmiş Müsavatçı qardaşının ailəsindən imtina etmədiyinə görə saxta ittihamlarla Xüsusi Müşavirənin 1939-cu il 9 iyul tarixli (protokol №14) qərarı ilə Gülarə Qədirbəyova 5 il Sibirə sürgün edilmişdir. Həbsdə digər xanımlara Əhməd Cavad, Hüseyn Cavid, Mikayıl Müşfiq şeirlərini təbliğ etməsi, qadınlara düşərgədə edilən haqsızlıq və təzyiqlərə qarşı çıxışlar etməsi səbəbi ilə dəfələrlə döyülmüş, bədəndə ağır zərbələr qalmışdır. Sovet rejimi onu təhlükə kimi görürdü, qadınların həbsdə ağır rejimdə saxlanılması və işlədilməsi siyasətinə qarşı çıxan Gülarəni ciddi olaraq düşmən obrazında təqdim edirdilər. Düşərgədə digər qadınlara təsir etməməsi üçün onun yeməyinə dərmanlar atırdılar və nəticədə o ağır xəstələndi.
1942- ci ildə Sibirdə bağırsaq infeksiyasından əməliyyat zamanı( Həkim olmadığından sanitar işçilər əməliyyat etmişdirlər ) ölsədə bu fakt gizlədilərək sürgündən qaçdığı bildirilərək ailəsi və yaxınları təqib edilmişdir. Lakin 1957- ci ildə minlərlə günahsız represiya qurbanları kimi bəraət almışdır.
Xatirə büstü anadan olduğu Şəki rayonu Baş Göynük kəndində,çox baxımsız vəziyyətdə
və çayxana ərazisinin içindədi. Nə Şəki şəhər icra hakimiyyəti, nə də Mədəniyyət Nazirliyi bu büstün taleyi ilə maraqlanmırlar.
Zaur Əliyev
