Həyatın ən cətin sınaqları ilə üz-üzə qalanlar, bu cətinliklərdən üzağ cıxdıqda qalib adlanırlar. Qalibləri isə heç zaman mühakimə etmirlər. Qələbə qazanmaq, həyatın bütün ağırlığını ciyinlərində daşımaq hər kəsin işi deyil. Deyirlər insana cəkə biləcəyi bir yük həvalə edilir. Bu yükü həyatın bütün cətinliklərində məsuliyyətlə daşıyanlar,yüksək missiyanın daşıyıcılarıdır. Belə insanlardan biri də general-leytenant Hüseyn Rəsulbəyovdur. O Hüseyn Rəsulbəyov ki, dünyaya gəldiyi gündən həyatın çətinliklərinə uğurla sinə gərib, od-alov da görüb, şaxta-borana da düşüb. O Hüseyn Rəsulbəyov ki, təbiətin amansız şıltaqlıqlarına baxmayaraq,heç bir cətinlikdən cəkinməyərək öz əqidəsi uğrunda mübarizə aparıb.
Heç kimə sirr deyil ki, sovetlər dönəmində milli kadrların ali hərbi rütbələrə çatması çox çətinliklə mümkün olurdu. Lakin Hüseyn Rəsulbəyov kimi insanlar öz mübarizliyinin, cəsurluğunun sahəsində zirvələri fəth ediblər.
Bu günkü qəhrəmanımız general-leytenant Hüseyn Rəsulbəyov dahilər diyarı adlandırılan Dəmir Qapı Dərbənddə doğulub. Xəzər dənizi ilə Qafqaz sıra dağlarının arasında yerləşən qədim Dərbənd… Bura Azərbaycanın ən qədim şəhərlərindən biridir. Yerli sakinləri olan türklər bu şəhəri bir zamanlar Dəmir Qapı Dərbənd adlandırırdılar. Azərbaycan türklərinin, eləcə də bütün türk dünyasının böyük abidəsi sayılan Kitabi-Dədə Qorqud dastanında da adı çəkilən bu şəhər özündə xalqımızın çoxəsrlik tarixini, mədəniyyətini yaşadır. General-leytenant Hüseyn Rəsulbəyov ömür yolum belə bir şəhərdən – Dərbənddən başlayıb.
Hüseyn Rəsulbəyov 26 iyun 1917-ci ildə məhz bu qədim şəhərdə poçt işçisi ailəsində, anadan olub. 1932-ci ildə Hüseyn Rabitə Politexnik Məktəbinini əla qiymətlərlə başa vuraraq mineral suları ilə zəngin Şimali Qafqaza göndərilir. O dəmir yolunda rabitəçi mexanik kimi calışmağa başlayır. Öz işinin fanatı olan Hüseyn Rəsulbəyov rəhbərlik tərəfindən ixtisasını artırmaq ücün 1936-ci ildə Leninqrad Elektrotexnika Mühəndisləri İnstituna göndərilir.
Lakin Hüseyn Rəsulbəyov Leninqraddakı İnistuta deyil, hərbi akademiyaya üz tutur. Müharibənin başlanması Hüseynində arzularını yarımçıq qoyur. Gənc zabit 1941-ci ildə müharibəyə yollanır.Bir qədər sonra Hüseyni Moskvada Dzerjinski adına hərbi akademiyaya göndərirlər. Akademiyanın bir illik kursunu bitirən gənc zabit Odessaya göndərilir.
Hüseyn Rəsulbəyov müharibənin ilk illərində hərbi hava qüvvələrində xidmətə başlayır. Gənc zabit hərbi hava qüvvələrinin 15 –ci briqadasında mühəndis vəzifəsində xidmət edir. Bu vəzifədə 1943- cü ilin mayına kimi xidmət edən Hüseyn öz peşəkarlığı ilə hər kəsə örnək olur. Məhz onun yüksək hərbi bacarığnı görən ordu rəhbərliyi gənc zabiti daha yüksək vəzifəyə təyin edir. Baş Qərargahın əmrilə Hüseyn Rəsulbəyov1943 -cü ilin martında Hərbi hava qüvvələrinin Zaqafqaziya cəbhəsində 2-ci hərbi atıcı briqadasının rəisi təyin edilir. Baş Qərargah 1945- ci ilin martında Hüseyn Rəsulbəyovu Zaqafqaziya Hərbi hava qüvvələrinin 99-cu hərbi atıcı diviziyasının rəisi təyin edir.
Bacarığı və peşəkarlığı ilə öhdəsinə düşən bütün vəzifələrin öhdəsindən gələn gənc zabit Baş Qərargah tərəfindən mükafatlandırılır. Peşəkar hərbiçi Hüseyn Rəsulbəyov 1945-ci ilin sentyabırında Hərbi hava qüvvələrinin Zaqafqaziya cəbhəsində 1-ci hərbi atıcı diviziyasının rəisi vəsifəsinə göndərilir.1949-cu ildən hərbi mühəndis olan Hüseyn Rəsulbəyov xidmətini Bakıda davam etdirir.
1960-cı ilin sentyabırından 1962-ci ilin fevralına qədər general-mayor hərbi mühəndis Hüseyn Rəsulbəyov Hərbi hava qüvvələrinin Bakıdakı zenit-raket qüvvələrinin baş komandanı olur. 19 Fevral 1968-ci ildə peşəkar hərbiçi Hüseyn Rəsulbəyov general-leytnant hərbi rütbəsi ilə təltif edilir.
Keçmiş SSRİ-nin hərbi dairələrində böyük nüfuz sahibi olan general-leytinant Hüseyn Rəsulbəyovun əzmkarlığı, yüksək hərbi biliyi, hər zaman onun işlərinin uğurlu getməsində yardımçı olurdu. Onun peşəkar hərbiçi kimi dəyərləndirilməsini,və qiymətləndirilməsini general-polkovnik Fyodor Olifirov Baş qərargaha tövsiyyə edirdi. General-polkovnik Fyodor Olifirov yazırdı:” O peşəkar hərbiçi kimi hər zaman özünü subut edib.Huseyn Rəsulbəyov öz peşəkarlığı onun əsgərlərinə də siraəyət edib. O əsgərlərinə bir ata,dayaq olub. Belə zabitləri dəyərləndirmək hər birimizin borcudur”.
Hüseyn Rəsulbəyovun peşəkarlığını nəzərə alan Ordu Rəhbərliyi onu 1962-ci ildə Misirə göndərir. Bu göndərişin əsas səbəbi Misirin hava hücumundan müdafiə qüvvələrinin yaradılmasını dəstək vermək və təlamatlandırmaq idi. Peşəkar hərbiçi ona həvalə edilən işin öhdəsindən layiqincə gəlir.
Sovet ordusunda 37 il xidmətdən sonra, general-leytnant Hüseyn Rəsulbəyov 28 İyul 1975-ci ildə hərbi xidmətdən azad edilir. Hərbi xidmətdən azad edilən Hüseyn Rəsulbəyov keçmiş SSRİ rəhbərliyi tərəfindən daha yüksək vəzifəyə təyin edilir. O Azərbaycan SSR Rabitə naziri vəzifəsinə təyin edilir.General-leytinant Hüseyn Rəsulbəyov ömrünün sonuna qədər rabitə naziri kimi, mühum bir vəzifədə calışır.
Sovet ordusunda ilk dəfə general-leytnant hərbi rütbəsinə layiq görülən Hüseyn Rəsulbəyov 1984-cü ildə vəfat etdi. Bu cəsur generalın doğulduğu Dərbənddə böyük bir prospekt onun adını daşıyır. Dərbənddə küçə və orta məktəblərdən biri də məhz bu cəsur generalımızın adını daşıyır. Azərbaycanda rabitə sahəsində gördüyü işlər,onun peşəkar hərbici kimi xidmətləri idi.
Qoşqar Salmanlı
