Qarabağdakı separatçılar səfərbərlik elan edib.
Alp.az-ın məlumatına görə, bir neçə saat əvvəl Qarabağdakı separatçıların rəhbəri Arayik Arutunyan hərbi səfərbərliklə bağlı əmr imzalayıb.
Əmrdə bölgədə vəziyyətin gərginləşməsi əsas göstərilib.
Qeyd edək ki, Rusiya Federasiyası sülhməramlı kontingentinin müvəqqəti yerləşdiyi Azərbaycan ərazisindəki qeyri-qanuni erməni silahlı dəstələrinin üzvləri avqustun 3-ü səhər saatlarında Laçın rayonu istiqamətində yerləşən Azərbaycan Ordusunun bölmələrinin mövqelərini intensiv atəşə tutub. Nəticədə müddətli həqiqi hərbi xidmət hərbi qulluqçusu əsgər Kazımov Anar Rüstəm oğlu aldığı güllə yarasından şəhid olub.
