Türkiyə ordusuna tezliklə SOM-B2 qanadlı raketləri təhvil veriləcək.
Alp.az xəbər verir ki, bu barədə raketlərin istehsalı ilə məşğul olan TÜBİTAK SAGE müəssisinin 2021 İllik Hesabatında məlumat verilib.
TÜBİTAK SAGE-nin inkişaf etdirdiyi ilk milli qanadlı raket ailəsinin üzvü olan nüfuzedici döyüş başlığı ilə təchiz edilmiş SOM-B2 raketinin inkişaf işlərinin sona çatdığı bildirilib. 2022-ci ildə SOM-B2 raketinin Hərbi Hava Qüvvələri Komandanlığının inventarına daxil edilməsi planlaşdırılır.
Qanadlı raketlər üçün ən müasir texnologiyalardan istifadə etməklə hazırlanmış SOM məhsul ailəsi quru və dəniz hədəflərinə qarşı lazımi əməliyyat çevikliyini dəstəkləyəcək modul dizaynı ilə diqqət çəkir. SOM-A, SOM-B1 və SOM-B2-nin uçuş məsafəsi 250, SOM-J isə 250 kilometrdən çox uçuş məsafəsinə malikdir.Ordu.az
