Bakıda küçədə quraşdırılan məlumat lövhəsində biabırçı səhv qeyd alınıb.
Alp.az xəbər verir ki, bu səhv haqda jurnalist Vyaçeslav Sapunov sosial şəbəkədəki hesabında yazıb və fakt kimi foto paylaşıb.
Fotodan görünür ki, Bakı Nəqliyyat Agentliyinin sifarişi əsasında hazırlanan məlumat lövhəsində Heydər Əliyevin adı ingilis dilində düzgün yazılmayıb.
“Xarici İşlər Nazirliyi” yazısının ingilis dilində olan tərcüməsində də səhv tapılıb.
Bakı Nəqliyyat Agentliyinin (BNA) mətbuat xidmətinin rəhbəri Mais Ağayev bu nişanların podratçı şirkət tərəfindən quraşdırıldığını deyib və əlavə edib ki, belə hərf səhvləri qısa zamanda aradan qaldırılır.
