Ölkəmizin ən böyük şirkətlərindən biri olan AZFEN B.M təqribən 300 işçisini heç bir səbəb olmadan işdən qovur.
Bu barədə Alp.az məlumat verən işçilər bildirir ki, şirkət rəhbərliyi 100-cü layihə adlandırdığı qazma qurğusundan işçiləri işdən qovur. Şirkət rəhbərliyi burada çalışan işçilərə heç bir təzminat vermədən işdən azad olunduğunu bəyan edib. İşçilərin verdiyi məlumata görə onlar 2 ilə yaxındır ki, bu şirkətdə çalışırlar.
Məlumat üçün bildirək ki, işdən çxıarılan işçilərin sayı 300 nəfərə yaxındır.
Şirkətlə əlaqə saxlasaq da telefonlarımıza cavab verən olmadı.
Xatırladaq ki, AZFEN B.M. 1996-cı ilin yanvarında Azərbaycan Respublikası Dövlət Neft Şirkəti (60% sahiblik hüququ ilə) və TEKFEN İnşaat və Təsisat A.Ş. (40% sahiblik hüququ ilə) tərəfindən təsis edilib.
Qeyd edək ki, bu şirkətlə bağlı ilk qalmaqal deyil. Bir neçə il öncə də şirkət əmək müqaviləsini pozaraq yüzlərlə işçini işdən qovmuşdu.
